اسلام آباد۔8جولائی (اے پی پی): مزن وزیر محمد شہباز شریف ءَ گوں بلوچستان السی پارٹی ءِ ڈل ءَ خالد مگسی ءِ سروکی ءَ گند ءُ نند کت ءُ ملکی ءُ صوبائی سیاسی جاور ھال آنی ھوالگ ءَ ھیال ریچی کت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ڈل ءَ مزن وزیر ءِ سروکی ءَ معیشت ءِ برجائیءُ الس دوست بجٹ ءِ پد ءَ مزن وزیر ءَ را توسیپ ءُ ستا پیش کت۔ ڈل ءَ مزن وزیر ءِ بلوچستان ءِ دیمروئی ءَ ھاسیں واھگ ءُ بلوچستان ءِ الس ءِ واستہ دیمروئی گامگیج آنی ھوالگ ءَ شگر ءُ منت واری گپت ۔ ایشی ءَ ابید مزن وزیر محمد شہباز شریف ءَ گوں نیشنل پارٹی ءِ ڈل ءَ ھم گند ءُ نند کت۔ ڈل ءَ صوبائی اسمبلی بلوچستان ءِ باسک رحمت صالح بلوچ ءُ پیسریگیں سینیٹر میر کبیر محمد شہی ھوار ات۔ اے موہ ءَ صوبگ ءِ سیاسی جاور ھال آنی ھوالگ ءَ ھیال ریچی کنگ بوت۔
