کوئٹہ۔8جولائی (اے پی پی): مزن وزیر محمد شہباز شریف ءَ بلوچستان ءِ صوبائی حکومت ءِ سر ءَ زور پر دات کہ شور ءُ مشور آں چہ جیڈھ آنی ٹک ءُ نشان ءَ بکنت ءُ آوانی گیواری ءِ واستہ ٹوھیں منصوبگ جوڑ بکنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دو شمبے ءَ گورنر گس کوئٹہ ءَ مسلم لیگ ن ءِ باسک پارلیمانی ڈل ءَ گوں گند ءُ نند ءِ ساھت ءَ تران کنانءَ مزن وزیر ءَ گوشت کہ بلوچستان ءَ گچین بوتگیں نماھندگ صوبگ ءِ دیمروئی ءِ واستہ توی کرد ءَ پیلو بکن اَنت۔ آئی ءَ گوشت کہ بلوچستان ءَ صوبائی ھمبراہ داریں باسک حکومت ءِ گوما شور ءُ مشور بکن انت ءُ جیڈھ آناں ٹک ءُ نشان بکن انت ءُ ایشانی گیواری ءِ واستہ ٹوھیں منصوبگ بندی بکن اَنت۔ مزن وزیر ءَ گوشت کہ مسلم لیگ ن السی ازمت آنی سر ءَ دل یکیمی دار ائیت ، پارٹی ءِ گچین بوتگیں بماھندگ السی گہبود آنی سر ءَ دلگوش بکن انت ءُ گورنر سر وزیر بلوچستان ءَ گوں شور ءُ مشور ءَ چہ دیمروئی منصوبگ آنی سرجمی ءُ استیں جیڈھ آنی گیواری ءِ واستہ گامگیج بکن انت۔ گند ءُ نند ءَ بلوچستان ءَ چہ سیادی داروکیں مسلم لیگ ن ءِ پارلیمانی باسک آنی گوما بنجاھی وزیر جام کمال خان، اعظم نذیر تارڑ، گورنر بلوچستان جعفر خان مندوخیل ءُپارٹی ءِ کارندہ ھم ساڑی اتنت۔
