اسلام آباد۔8جولائی (اے پی پی): حزانگءِ بنجاہی وزیر سینیٹر محمد اورنگزیب ءَ الیکٹرک ءِ ڈلءَ را دائیگی کنگءَ مھتلی ءِ جیڑھءَ را گیشءُ گیوار کنگءِ اوست داتگءُ گشتگ کہ کے الیکٹرک ءَ را کراچی ءَ ازمت دیئگءَ گہتری ءُ ارزانیں پیداواری آسراتی ءِ تہا گیشی ءِ ھاترءَ وتی منصوبہءَ را گشاد کنگءِ پنتءُ شون کتگ۔ آئیءَ اے گپ دوشمبےءِ روچءَ اِدءَ الیکٹرک ءِ سی ا ی او سید مونس …
حزانگ ءِ بنجاہی وزیر سینیٹر محمد اورنگزیب ءَ گوں الیکٹرک ءِ سی ای او مونس عبداللہ علوی ءِ گندءُ نند، ادائیگی کنگءَ مھتلی ءِ جیڑہءَ را گیش ءُ گیوار کنگءِ اوست
گیشتریں ھال
اسلام آباد۔8جولائی (اے پی پی): حزانگءِ بنجاہی وزیر سینیٹر محمد اورنگزیب ءَ الیکٹرک ءِ ڈلءَ را دائیگی کنگءَ مھتلی ءِ جیڑھءَ را گیشءُ گیوار کنگءِ اوست داتگءُ گشتگ کہ کے الیکٹرک ءَ را کراچی ءَ ازمت دیئگءَ گہتری ءُ ارزانیں پیداواری آسراتی ءِ تہا گیشی ءِ ھاترءَ وتی منصوبہءَ را گشاد کنگءِ پنتءُ شون کتگ۔ آئیءَ اے گپ دوشمبےءِ روچءَ اِدءَ الیکٹرک ءِ سی ا ی او سید مونس عبداللہ علوی ءَ گوں گندءُ نند ءِ تہا گشتگ ۔ اے مو ہ ءَ کے الیکٹرک ءِ سی ایف او محمد عامر غازیانی ءُ چیف ریگولیٹری افیئر ز محمد عمران قریشی ہم ساڑی بوتگ۔ کے الیکٹرک ءِ نمائندگ آں بنجاہی وزیرءَ را حال داتگ کہ حکومت ءُ کے الیکٹرک ءِ نیامءَ اے سال ءِ بنداتءَ ٹائینتگیں منءُ گرآں چہ بازیں جیڑہءُ جنجال گیشءُ گیوار بوتگ اَنت ءُ کے الیکٹرک نوں وتی بجلی ءِ مکسءَ را گہترکنگءِ ھاترءَ جدید تریں منصوبہ آنی سرءَ عمل کنگءِ ھاترءَ کار کنگءَ اِنت۔ ڈل ءَ پوسٹ کارگس ءِ وسیلگءَ مردمانی بل ءِ دیراں جم کنگءِ جیڑہءَ چست کتگ۔ بنجاہی وزیرءَ ڈلءَ را اوست داتگ کہ ادا ئیگی کنگءَ دیر کنگءِ جیڑہءَ را زوت گیشءُ گیوار کنگ بیت۔ آئیءَ گشتگ کہ کے الیکٹرک ءَ را کراچیءَ ازمت دئیگءَ گہتری آرگءُ ارزانیں پیداواری آسراتیانی تہا گیشی کنگءِ ھاترءَ وتی منصوبہ گیش کنگ لوٹاں تنکہ بجلی ءِ نیاد ءَ را کمک کنگ بہ بیت۔
