بنجائی وزیر مواصلات نا کماشی ٹی دیوان، سندھ، بلوچستان و کے پی کے نا چندی شاہراہ تا جوڑجاڑ و جوڑ کننگ آ حوال تننگا

اسلام آباد۔ 08 جولائی (اے پی پی) بنجائی وزیر مواصلات ، نجکاری وزرکاری بورڈ عبدالعلیم خان نا کماشی ٹی این ایچ اے ٹی اڈ ہلوک دیوان اٹی سندھ، بلوچستان و کے پی کے چندی شاہرات نا جوڑ جاڑ وجوڑ کننگ آ سرجمی اٹ حوال تننگا۔ بنجائی وزیر مواصلات عبدالعلیم خان داوخت آپارے کہ نیشنل ہائی وےاتھارٹی ءِ پوسکن آٹاسک و محکمانہ ایکشن پلان اس تسونن۔ اوپارے کہ اولین اولیت کراچی آن سکھر اسکان آب اٹ ورکھ موٹروےنا جوڑ کننگ  ءِ، کراچی آن کوئٹہ و مانسہرہ غان بابو سرٹاپ نا شاہراہ تے ہم دمدستی جوڑ کننگے، نیشنل ہائی وے اتھارٹی ءِ ریونیو ٹی ودکی کرسا تینا فنڈآتے ودفوئی مریک، بیرہ حکومت آ انحصار کپس، داسہ من و سلویٰ و سرکاری فنڈآتے اٹ کاریم چلینگپک۔ عبدالعلیم خان پارے کہ سرکاری فنڈ آتے زیان مننگ کن الیپنہ، کرپشن آ’’زیروٹالرنس‘‘مریک ، این ایچ اے نا اسہ شاہراہ سے آہم تخوک آ وزن آن زیات لوڈ ٹرک آتے بننگ کن الیپنہ، این ایچ اے روش ءِ بدل کے، خواری و ایمانداری اٹ ملک وقوم اکن نیک نامی نا سوب مرے۔ بنجائی وزیر پارے کہ ننا روڈ نیٹ ورک نا اصل ہدف نیامی ایشیائی ملک آک بایدے مریر، این ایچ اے ءِ کٹیا کروک کینہ، ملازم و آفیسر آتے گچین تنخواہ و پیکج ایتنہ، این ایچ اے بیرہ قابل عمل و السی فائدہ غاتا حمل ڈٹ آتیا فنڈ آتے خڑچ کے۔ اوپارےکہ متکن آ سسٹم ءِ ہلسا این ایچ اے ءِ پرائیویٹ سیکٹر تون مقابلہ کروئی مریک۔ نیشنل ہائی وے اتھارٹی سعودیہ ، یواے ای و ایلو ملک آتیٹی کنٹریکٹ دوئی کننگ کیک۔ عبدالعلیم خان پارت کرے کہ لاہور سیالکوٹ موٹروے و غٹ موٹروے تیا ’’ایم ٹیگ‘‘ ءِ پک کیر۔ بنجائی وزیر مواصلات چندی ڈٹ آتیا ملٹی نیشنل کمپنی تیان تھرڈ پارٹی اویلیویشن نا پارت کرے۔