اسلام آباد۔ 08 جولائی (اے پی پی) صدر مملکت آصف علی زرداری عبدالستار ایدھی نا برسی آ اودے شاندار لوز آتیٹی خراج عقیدت پیش کرسا پارینے کہ عبدالستار ایدھی غٹ پرخ آتیان ایڑترمرسا انسانیت ناخذمت ءِ کرے۔ دوشنبے نادے آ ایوان صدر نا پریس ونگ آن جاری بیان نا رداٹ صدر مملکت پارے کہ عبدالستار ایدھی نا پاکستان و انسانیت کن بے مٹ خذمت آتے خراج تحسین پیش کیوہ۔ اوپارے کہ عبدالستار ایدھی پاکستان نا تاریخ نا غٹ آن بھلا انسان دوست شخصیت ئس، اوراجی خذمت آتا بشخ اٹی بھلو خذمت اس سرتس و نسل ، مذہب، راجی حیثیت تون اوار غٹ پرخ آتیان ایڑترمرسا انسانیت نا خذمتءِ کرے۔ صدر مملکت پارے کہ عبدالستار ایدھی بے لوث لگن اٹ مچ آملک اٹی ہسپتال ، چوری خانہ، پناہ گاہ و بحالی نا ہدن آتا بنداو ءِ تخا۔ صدر مملکت دعاکرے کہ اللہ تعالیٰ عبدالستار ایدھی نا بخشش و اونا درجہ غاتے بڑز کے ۔
