سپریم کورٹ لاہور ہائیکورٹ نا کنڈآن الیکشن ٹریبیونل آتا جوڑ کننگ نا برخلاف الیکشن کمیشن نا اپیل آ سماعت نا نوشتہی پرمان نامہ اس جاری کرے

اسلام آباد۔ 08 جولائی (اے پی پی) سپریم کورٹ لاہور ہائی کورٹ نا کنڈآن الیکشن ٹریبیونل نا جوڑ کننگ نا برخلاف الیکشن کمیشن نا اپیل آ سماعت نا نوشتہی پرمان نامہ اس جاری کرے۔ عدالت پرمان نامہ ٹی پارے کہ الیکشن کمیشن آف پاکستان و چیف جسٹس لاہور ہائی کورٹ نا دفتر ہڑتوم آ آئینی ادارہ ءُ و بھاز شرف نا حقدار ءُ۔ عدالت عظمیٰ پارے کہ ہڑتوم آ آئینی ادارہ غاک بامعنی سلابت کیر تو باندات ایسر مننگ کیک۔ سپریم کورٹ مستی پارے کہ اٹارنی جنرل ہم امنا کرینے کہ بامعنی سلابت بایدے مرے۔ عدالت کیس انا میرٹ آتیا ہِننگ آن بیدس کیس ءِ زیرالتواتخنگ ءِ۔ جوان مریک کہ چیف جسٹس لاہور ہائیکورٹ و الیکشن کمیشن ن انیام اٹ بامعنی سلابت مرے۔ عدالت عظمیٰ مستی پارے کہ الیکشن کمیشن نا 26 اپریل نا چٹھی ، نوٹیفکیشن و لاہور ہائیکورٹ نا 29 مئی نا فیصلہ و 12 جون نا نوٹیفکیشن بروک آ تاریخ اسکان معطل کننگک۔ چیف جسٹس لاہور ہائی کورٹ ناسوغند ہرفنگ آن پد اخس زوت مننگ کے بامعنی سلابت کننگے۔ بامعنی سلابت نا دمدستی پد کیس ءِ سماعت کن مقرر کننگک۔