بنجائی وزیر داخلہ محسن نقوی نا کماشی ٹی دیوان، پروٹیکٹیڈ صارف آتے ریلیف تننگ کن غٹ ڈسکوتا ڈیٹا ءِ بٹنگا

اسلام آباد۔ 08 جولائی (اے پی پی) بنجائی وزیر داخلہ محسن نقوی  پروٹیکٹیڈ صارف آتے ریلیف تننگ کن غٹ ڈسکوتا ڈیٹا ءِ بٹنگا۔ دوشنبے نادے آ بنجائی وزیر داخلہ محسن نقوی نا کماشی ٹی وزارت داخلہ ٹی دیوان اس اڈ ہلک، محسن نقوی پروٹیکٹیڈ صارف آتے نان پروٹیکٹیڈ کیٹگری ٹی اوار کننگ آ گڑتی نا درشانیءِ کرسا ایف آئی اے نا غٹ ڈائریکٹر آتے ڈسکوز نا ڈیٹا ءِ چیک کرسا رپورٹ پیش کننگ نا پارت کرے۔ او3 دے اٹی ایف آئی اے ڈائریکٹر آتے غٹ شاہدی جمع کننگ نا ٹاسک تس۔ وزیرداخلہ پارے کہ غٹ شاہدی تا جوان ءُ رپورٹ اس وزیراعظم ءِ پیش کننگک، پروٹیکٹیڈ صارف آتون زیادتی نا ازالہ ءِ کننگ المی ءِ۔ محسن نقوی ایڈیشنل ڈی جی ایف آئی اے نارتھ ءِ پشاور، لاہور، گوجرانوالہ وفیصل آباد تینٹ ہنسا حالیت آتا جاچ ءِ ہلنگ و ڈیٹا جمع کننگ نا پارت کرے و پارے کہ شاہدی تا جاچ ءِ ہلسا زموار آتا تعین ءِ کننگے۔ دیوان اٹی اوور بلنگ نا ایشوناجاچ ءِ ہلنگا۔ ایف آئی اے کمامدارآک اووربلنگ آ حوال تسر۔ بنجائی سیکرٹری داخلہ، ایڈیشنل ڈی جی ایف آئی اے ہیڈکوارٹر، ایڈیشنل سیکرٹری داخلہ، ایڈیشنل ڈی جی ایف آئی نارتھ و تعلقدار کمامدارآک دیوان اٹی بشخ ہلکر۔ ایف آئی اے نا غٹ ڈائریکٹر آک ویڈیولنک انا کمک اٹ دیوان اٹی بشخ ہلکر۔