کوئٹہ۔8جولائی (اے پی پی): مزن وزیر محمد شہبا ز شریف ءَ بلوچستان ءِ توامیں کشت ءُ کشاری ٹیوب ویلز آناں سولر سسٹم ءَ شفٹ کنگ ءِ تاریخی گامگیج کنان ءَ گوشتگ کہ بنجاھی حکومت بلوچستان ءِ گوما یکجائی ءَ بلوچستان ءِ کساس 28 ہزار توان ءِ سر ءَ تچوکیں ٹیوب ویلز آنا ں سولر سسٹم ءِ سر ءَ شفٹ کنت، 55 ارب کلدار ءِ اے منصوبگ آناں 70 درسد بنجاھی حکومت 30 درسد بلوچستان حکومت پیلو کنت انت۔ بنجاھی حکومت ءُ بلوچستان حکومت ءِ نیام ءَ کشت ءُ کشار ی ٹیوب ویلز آناں سولر ائزیشن منوگری آنی سر ءَ دست چنگل جنگ ءِ مراگش دو شمبے ءَ کوئٹہ ءَ برجم بوت ایشی ءَ چہ مزن وزیر شہباز شریف ءَ بھر زوری کت۔ اے موہ ءَ مزن وزیر ءَ دو شمبے ءَ بلوچستان کابینہ ءِ باسک آں گوں گند ءُ نند کت ایشی ءَ چہ بنجاھی وزیر ، گورنر سر وزیر بلوچستان ءُ سیادی داروکیں ٹوھیں کارندہ ساڑی اتنت۔ مزن وزیر ءَ گپ ءُ تران کنان ءَ بنجاھی حکومت بلوچستان ءِ گوما یکجائی بلوچستان ءِ کساس 28 ہزار توان ءِ سر ءَ چلوکیں ٹویب ویلز آناں سولر ءِ سر ءَ شفٹ کنت۔ 55 ارب کلدار ءِ اے منصوبگ 70 درسد ءِ بنجاھی وھدیکہ 30 درسد بلوچستان حکومت ادا کنت انت۔ ،مزن وزیر ءَ سر وزیر بلوچستان ءَ را کشت ءُ کشاری ٹویب ویلز آنی سولرائیزیشن ءِ منصوبگ ءَ را سئے ماہ ءَ سرجم کنگ ءِ ٹوسک داتگ۔ مزن وزیر ءَ گوشتگ کہ کشت ءُ کشاری ٹیوب ویلز آناں سولر ءِ سر ءَ شف کنگ ءَ چہ دھکان وشھال بنت ءُ کشار ءِ توک ءَ گیشی بیت۔ کشت ءُ کشاری ٹیوب ویلز آناں سولر ءِ سر ءَ شفٹ کنگ ءَ چہ دھکان آناں سرجمیں روچ ءَ آپ ءِ یک شلی ءَ پجاری دل یکیمی جوڑ کنگ بوت کنت۔ بنجاھی حکومت ھمک سال توان ءِ بل آنی نہ دیگ ءِ سبب ءَ سبسڈی ءِ رد ءَ 70 ءَ بگر تاں 80 ارب کلدار پجاری کنت بلے پدا ھم دھکان آناں ایوک ءَ 2 ءَ بگر تاں 6 کلا ک ءَ توان پجاری بوتگ۔ مزن وزیر ءَ گوشتگ کہ کشت ءُ کشاری ٹویب ویلز آناں سولر آئیزیشنءَ چہ ایشانی کوھنیں جیڈھ ءَ را ھلاس کنگ ءَ آں۔ سرجمیں دگنیا ءَ سولر ءَ چہ کمو ھرچ ءُ درچ ءُ ماحول دوستیں توان جوڑ کنگ بوھگ ءَ انت۔ سرجمیں ملک ءَ سولر ھاٹیگ ءَ چہ توان ءِ پجاری ءِ واستہ اول سرئی بنیات ءَ گامگیج کنگ ءَ انت۔ بنجاھ بلوچستان ءِ دیمروئی ءُ وشھالی ءِ واستہ صوبائی حکومت ءِ گوما یکجائی ءَ کار کنت انت۔ مزن وزیر ءَ گوشتگ کہ چین ءَ سرکاری وظیفہ ءِ سر ءَ کشت ءُ کشار ءِ شوبگ ءَ کزبی ھیل کاری ءِ واستہ روان داتگیں نودربر آناں بلوچستان ءِ 10 درسد گیش نودربر آنی کوٹہ ایر کنگ بوتگ۔ چین ءَ ہواوے کمپنی ءِ چیر دستی ءَ سئے لکھ پاکستانی ورنا آنی انفارمیشن ٹیکنالوجی ءِ شوبگ ءَ ھیل کاری ءَ ھم بلوچستان ءِ نوربر آنی واستہ 10 درسد گیشیں کوٹہ ایر کنگ بوتگ۔ بلوچستان ءِ ورنا ٹوھیں زانت ءُ زانش ءِ بلدکار بنت گڈا آ صوبگ ءُ ملک ءِ دیمروئی ءَ وتی کرد ءَ را پیلو کنگ اَنت۔ بلوچستان ءِ جیڈھ آنی گیواری یکجائی ءَ نندگ ءَچہ بیت۔ صوبائی حکومت ءَ را توامیں جیڈھ آنی گیوار کنگ ءِ دل یکیمی دیاں۔ بلوچستان ءِ زبھری ءَ را دور کنان ءَ ایشی ءِ دیمروئی ءَ وتی کرد ءَ را پیلو کنگ مئے درستانی زمہ واری انت۔ بنجاھی حکومت ءَ بلوچستان ءَ داسنش سکول ءِ جوڑیشت ءِ واستہ استیں بجٹ ءَ فنڈ گیشینتگ انت۔ مزن وزیر ءَ گوشت کہ مئے کوشست انت کہ دانش سکول ءَ را صوبگ ءَ ڈویژنل تکءَ شاھیگانی دیگ بہ بیت تانکہ ایشی ءَ چہ سرجمیں صوبگ ءِ نودربر سیت مند بہ بنت۔ امیت انت کہ گورنر بلوچستان شیخ جعفر خان مندوخیل ءُ سر وزیر بلوچستان میر سرفراز بگٹی ءِ سروکی ءَ سرجمیں صوبائی کابینہ صوبگ ءِ دیمروئی ءُ وشھالی ءَ گیش کرد پیلو کنت۔ بلوچستان ءِ کابینہ ءَ مزن وزیر محمد شہباز شریف ءَ را صوبگ ءِ جیڈھ آنی ھوالگءَ سرپد کت ایشی ءِ ھوالگ ءَ مزن وزیر شہباز شریف ءَ دل یکیمی دات کہ بنجاھی حکومت بلوچستان ءِ دیمروئی ءُ وشھالی ءُ ادے جیڈھ آنی گیواری ءِ واستہ ھمک رنگیں گامگیج چست کنگ بوتگ۔
