کوئٹہ۔ 08 جولائی (اے پی پی) وزیراعظم پاکستان محمد شہباز شریف اسہ دے ئی دورہ غا کوئٹہ غا سرمس ، سرجم حوال آتا رداٹ دوشنبے نادے آ وزیراعظم پاکستان محمد شہباز شریف اسہ دے ئی دورہ غا کوئٹہ غا سرمس، وزیراعظم پاکستان تون اوار بنجائی وزیر جام کمال خان، اعظم نذیرتارڑ، سردار اویس احمد خان لغاری، عطاء اللہ تارڑ، وزیر مملکت علی پرویز ملک ئسک ئسر ، وزیراعظم تون کوئٹہ ٹی بلوچستان کابینہ نا پارلیمان نا باسک آک اوڑدہی کیرہ، وزیراعظم کوئٹہ ٹی بلوچستان نا بزغر آتا شونداری و شونہالی کن بنجاوبلوچستان حکومت نا کنڈآن اسہ تاریخی پیکج اسے نا ہم پڑو ءِ کیک، کوئٹہ بالی پٹ آ وزیراعلیٰ بلوچستان میر سرفراز بگٹی، گورنر بلوچستان شیخ جعفر خان مندوخیل، صوبائی وزیر ڈٹ بندی میر ظہور احمد بلیدی، صوبائی وزیر تعلیم راحیلہ حمید خان درانی ، صوبائی وزیر ریونیو محمد عاصم کرد گیلو، صوبائی وزیر کشت وکشار بلوچستان میر علی مدد جتک و چیف سیکرٹری شکیل قادر خان، آئی جی پولیس عبدالخالق شیخ ئسک کوئٹہ بالی پٹ آ سرمننگ آ وزیراعظم پاکستان میاں محمد شہباز شریف ءِ بخیرکریر۔ وزیراعظم پاکستان کوئٹہ بالی پٹ آن گورنرہاؤس روانہ مس ہراڑے وزیراعظم محمد شہباز شریف ءِ صوبہ نا تازہ انگا حالیت و برجا شونداری ڈٹ آتا بابت حوال تننگک۔ دورہ ٹی وزیراعظم پاکستان بلوچستان اٹی ٹیوب ویلز انا سولرائزیشن آ گدریفنگ نا باقاعدہ بناءِ کیک۔ وزیراعظم پاکستان تون گورنر بلوچستان و صوبائی کابینہ نا گورنرہاؤس اٹی جتا جتا اوڑدہی مریک وزیراعظم پاکستان محمد شہباز شریف تون پاکستان مسلم لیگ ن نا صوبائی راہشون تا ڈل ہم اوڑدہی کیک۔
