اسلام آباد۔ 07 جولائی (اے پی پی) وزیراعظم محمد شہباز شریف حوالدار لالک جان شہید (نشانِ حیدر) ءِ اونا 25 می شہیدی نا دے آ خراج عقیدت پیش کرے۔ وزیراعظم آفس میڈیا ونگ آن یک شنبے نادے آ جاری بیان اٹی وزیراعظم پارے کہ حوالدار لالک جان شہید بھاز جیرت و بہادری نا درشانی ءِ کرے و ملکی سلامتی کن تینا جون ءِ ندر کرے۔ اوپارے کہ حوالدار لالک جان شہید نا عظیم قربانی پاکستان نا سلہہ بند فوج انا بدل مفروک عزم و ملک انا رکھ اکن لگن نا نشانی ءِ۔ وزیراعظم پارے کہ حوالدار لالک جان شہید و اونا خاہوت مچ آپاکستانی قوم اکن گمرناسوب ءِ۔ اوبحیرہ عرب نا کڑمب آ سمندر آتیان ہلیس سیاچن نا سخت یخ اسکان ملک انا سیم تا رکھ ءِ کروک آ ہرپاکستانی سپاہی نا جوزہ و احساس فرض ءِ ہم سلام پیش کرے۔ اوداعزم انا درشانی ءِ کرے کہ پاکستانی قوم تینا شہید آتا عظیم قربانی تے اسُل است آن دپک ہراملک اکن تینا جون تے ند رکرینو۔
