اسلام آباد۔ 06 جولائی (اے پی پی) اسپیکر قومی اسمبلی سردار ایاز صادق سینئر صحافی و صدرنیشنل پریس کلب اظہرجتوئی نا اُرائی نا کزیت آ ڈکھیائی واست ہسونی نا درشانی ءِ کرینے۔ ہفتہ نادے آ قومی اسمبلی سیکرٹریٹ آن جاری بیان نار داٹ اسپیکر اظہر جتوئی نا پن آ تینا جاری ہڑزخواہی کلہو اٹی اونا اُرائی نا کزیت آہڑزخواہی نا درشانی ءِ کرسا ایماندار نا کزیت ءِ پدسلوک خاہوت کن بے بدل نسخان و بھلو صدمہ گوندانے۔ اوپارے کہ ڈکھیائی و غم انا مشکل ساہت اٹی او اظہر جتوئی و اونا خاہوت نا ایلو بندغ آتا غم اٹی بریبر نا شریک ءِ۔ اسپیکر اللہ تعالیٰ آن ایماندار نا درجہ غاتا بڑزی و پدسلوک آ خاہوت ءِ دا بے بدل نسخان ءِ سگنگ کن صبر وجمیل عطاکننگ نا دعاکرے۔ ڈپٹی اسپیکر قومی اسمبلی سید میر غلام مصطفیٰ شاہ ہم سینئر صحافی /صدر نیشنل پریس کلب اسلام آباد اظہرجتوئی نا اُرائی نا کزیت آ ہڑزخواہی نا درشانی ءِ کرینے۔ اواظہر جتوئی و اونا خاہوت تون ہمدردی و یکجہتی نا درشانی ءِ کرسا پارے کہ او پدسلوک آ خاہوت آتا ڈکھیائی و غم اٹی بریبرنا شریک ءِ۔ ڈپٹی اسپیکر اللہ تعالیٰ آن ایماندار نا درجہ غاتا بڑزی و پدسلوک آ خاہوت کن صبر وجمیل عطاکننگ نا دعاکرے۔
