اسلام آباد۔5جولائی (اے پی پی): مزن وزیر محمد شہباز شریف ءِ سروکی ءَ کابینہ کمیٹی برائے ھاٹیگ ءِ دیوان ءَ ریفائنری پالیشی 2023 ءِ وھد ءُ پاس ءِ تہ ءَ شش ماہ ءِ ودینتگ، پرائیویٹ شوبگ آنی کسانیں آپی منصوبگ آنی واستہ سٹینڈر ئزڈ سیکورٹی پیکیج ڈساکومنٹ، گلگت بلتستان ءَ توان ءِ یک شلیں پجاری ءِ واستہ کمیٹی، توان ءِ بھر ءُ بانگ کنوکیں کمپنی آنی کار رھبند آنی ودینگ ، توان ءِ دزئی ءِ گر ءُ دار ءُ بل آناں وھد ءُ موہ ءِ سر ءَ گرگ ءِ واستہ ڈسکوز سپورٹ یونٹ ءِ برجائی ءُ گیش وھد ءُ پاسی بل آنی گرگ ءِ واستہ ھیل کاری پیکیج ءِ منظوری داتگ۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ کابینہ کمیٹی برائے ھاٹیگ ءِ دیوان برجم بوت۔ دیوان ءَ نائب مزن وزیر ءُ وزیر درئی کار اسحاق ڈار، بنجاھی وزیر احد خان چیمہ ، محمد اورنگزیب ، ڈاکٹر مصدق ملک، احسن اقبال، سردار اویس خان لغاری، وزیر ءِ مملکت علی پرویز ملک، مزن وزیر ءِ کوآرڈینیٹر رانا احسان افضل ، چیئرمین نیپرا وسیم مختار، چیئرمین اوگرا مسرور خان ءُ سیادی داروکیں ٹوھیں ٹوھیں کارندہ آں بھر زوری کت۔ مزن وزیر شہباز شریف ءَ ملک ءَ پیٹرولیم ریفائینریز ءِ شوبگ ءِ دیمروئی ءُ ایشی ءِ اندر ءَ ڈنی سرمایہ کاری ءَ گیشی ءِ واستہ ٹوھیں گامگیج چست کتگ۔ مزن وزیر ءِ سروکی ءَ کمیٹی ءَ استیں ریفائنریز ءِ اپ گریڈیشن ءِ ھوالگ ءَ ریفائنری پالیشی 2023 وھد ءُ پاس ءَ 6 ماہ گیشی کنگ ءِ منظوری داتگ۔ کمیٹی ءَ وزارت پٹرولیم ءِ پنت ءُ شون ءِ رد ءَ ملک ءَ استیں آئل ریفائنریز ءَ را دل یکیمی زوران ءَ آئی ءِ ترجی داتگیں بنیات ءَ اپ گریڈیشن ءِ واستہ ٹوھیں دیمروئی کار ھبد رد ءُ بند بکنت۔ کمیٹی ءَ را توان ءِ شوبگ ءَ جالائی 2023 ءَ چہ مئی 2024 ءَ تاں گردشی وام آنی بابت ءَ سرجمیں رپورٹ ھم پیش کنگ بوتگ۔ رپورٹ ءَ گوشگ بوتگ کہ 2024 ءَ تاں توان ء، شوبگ ءَ گردشی وام آنی کساس 2655 ارب کلدار بوتگ۔ کابینہ کمیٹی ءَ پرائیویٹ شوبگ ءِ کسانیں آپی منصوبگ آنیو استہ پاور پالیشی 2015 ءِ چیر دستی ءَ سٹینڈرئزڈ سیکورٹی پیکیج ڈاکومنٹ ءِ منظوری داتگ۔ اے گامگیج آنی مول ءُ مراد توان ءِ شوبگ ءَ پرائیویٹ سرمایہ کار آناں وتی نیمگ ءَ دلگوش ءُ ٹیرف ءُ ایندگر جیڈھ آناں زوت گیواری کنگ انت۔ مزن وزیر ءَ گلگت بلتستان ءِ الس آناں توان ءِ پجاری ءِ ھوالگ ءَ شکاست آنی زوت پیسلہ کنان ءَ گلگت بلتستان ءَ توان ءِ یک شلی ءَ پجاری ءِ گامگیج ءِ واستہ یک کمیٹی ءِ جوڑ کتگ۔ ڈسکوز سپورٹ یونٹ ءِ کد ءُ بالاد ءُ بنجاھی کابینہ ءَ چہ زورگ ءَ دو سال ءِ وھد ءُ پاس بوتگ۔ ڈسکوز سپورٹ یونٹ ءِ بندات ملتان الیکٹرک پاور کمپنی پیسکو ءَ چہ کنگ بیت۔ کمیٹی ءَ توان باز ءُ کوھن ءُ گیش بل آنی وصولی ءِ واستہ ھیل کاری پیکیج ءِ ھم منظوری دات۔ اے پیکیج ءِ چیر دستی ءَ توان ءِ باز کوھن ءُ گیشیں بل آنی وصولی ءِ کانود جوڑ کنگ ءِ ادارگ ءُ ڈسکوز ءِ کارندہ آناں انعام دیگ بیت۔
