اسلام آباد۔ 05 جولائی (اے پی پی) سینیٹ ریاستی ملکیتی ادارہ (گورننس اینڈ آپریشنز) ترمیمی بل انا امنائی سلاہ اٹ منظوری ءِ تس۔ جمعہ نادے آ سینیٹ نا دیوان اٹی بنجائی وزیر کانود و انصاف، پارلیمانی امور اعظم نذیر تارڑ بل ءِ ایوان اٹ پیش کرے۔ اوپارے کہ ترمیمی بل انا تعلقدار قائمہ کمیٹی آن امنائی وڑاٹ منظوری ءِ تننگانے۔ بل انا رداٹ ریاستی ادارہ غاتا بورڈ آف گورنرز نابابت ترمیم کننگانے۔ گڑاس ریاستی ادارہ غاتابورڈ آف ڈائریکٹرز اٹی اوار گڑاس ڈائریکٹر ز ہچ اس کپسہ و بیرہ آسودہی ہلیرہ۔ خوانہ کہ بورڈ آف ڈائریکٹرز نا نظام ءِ گچین کننگے۔ قائد حزب اختلاف سینیٹر شبلی فراز و سینیٹر محسن عزیز کمیٹی نا دیوان آبتور، کمیٹی بل آ سرجمی اٹ سجفے۔ بنجائی وزیر پاور ڈویژن اویس لغاری پارے کہ بورڈ آف ڈائریکٹرز نا مون آ نجکاری پروگرام پیش ہی متو، داسکان تو ریگولیٹری فریم ورک ہی پورو متنے، مالیاتی سلاہکار ہراکان مقرر مس، راستکی تا رداٹ گڑاتے بیان کننگے۔ قائد حزب اختلاف سینیٹر شبلی فراز پارے کہ نن خوانہ ملک و قوم انا میرات آتے ٹکاو پاولی تیا بہاکننگپ، ادارہ غاتا نجکاری ٹی شفافیت اتوئی مریک۔ نائب وزیراعظم وزیرخارجہ و سینیٹ اٹی قائد ایوان اسحاق ڈار پارے کہ نجکاری نا عمل پورو شفاف مریک اوکان پد بنجائی وزیر کانود ، انصاف و پارلیمانی امور اعظم نذیر تارڑ تحریک پیش کرے کہ ریاستی ملکیتی ادارہ (گورننس اینڈ آپریشنز ایکٹ 2023اٹی ترمیم نا بل قائمہ کمیٹی نا رپورٹ کروک حالیت اٹ سجفنگے ایوان تحریک نا منظوری ءِ تس اوکان پد چیئرمین بل ءِ شق وار منظوری کن ایوان اٹ پیش کرے ہرادے امنائی سلاہ اٹ منظور کننگا۔
