راولپنڈی۔ 05 جولائی(اے پی پی) اینٹی نارکوٹکس فورس منشیات اسمگلنگ نا برخلاف برجاکریک ڈاؤن اٹی 5 کارروائی تیٹی 149 کلوگرام منشیات دوئی کرسا 5 دوبہ دار آتے دزگیرکرے۔ اے این ایف ہیڈکوارٹرآن جاری تدوک آ بیستءُ چار گھنٹہ ٹی کروک آانسداد منشیات کارروائی تا سرجم حوال آتا رداٹ مصری بانڈ اروڈ نوشہرہ نا خڑک گاڈی اسے آن 100.8کلوگرام چرس و 26.4 کلوگرام افیم دوئی کننگا۔ قطبی بائی پاس کراچی آ دوبہ دار اسے آن 20 کلوگرام چرس دوئی کننگا۔ پشاور اٹی کالج نا خڑک اوغان باتی اسے آن اسہ کلوگرام چرس دوئی کننگا۔ ملتان اٹی پی سی ہوٹل نا خڑک دوبہ دار اسے آن اسہ کلوگرام چرس دوئی کننگا۔ ایچ۔ 13 اسلام آباد نا خڑک نائجیرین باتی اسے آن 10 گرام کوکین دوئی کننگا۔ ترجمان نا رداٹ دزگیر دوبہ دارآتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
