اسلام آباد۔4جولائی (اے پی پی):سپیشل جج سنٹرل ہمایوں دلاور ءَ راجی ھالرسانکی ادارگ ’’اے پی پی‘‘ ءَ کروڑانی کلدار ءِ کرپشن کیس ءَ نامینتگیں ملزم آنی دزگیری زامنی رد کتگ، ملزم چہ آمید گس ءَ فرار بوتگ انت، ملزم آنی دزگیری ءِ واستہ ایف آئی اے ءَ چھاپہ جتگ۔ پنچ شمبے ءِ روچ ءَ آمید گس ءَاے پی پی ءِ شوبگ آئی ٹیءِ پروجیکٹ ءِ کرپشن کیس ءَملزم اے وھد ءَ ڈائریکٹر آئی ٹیءُ پراجیکٹ ڈائریکٹر غواث خان، پیسریگیں منیجر اکاؤنٹس ارشد مجید چوہدری ، ڈپٹی ڈائریکٹر آئی ٹی مصور عمران ءُ چیف کمپیوٹر انجینئر سعد مدثر ءَھوار شش ملزم آنی دزبندی دزگیری ءَ چہ پیسر گوشداری کتگ۔ اے موہ ءَ اے پی پی ءِ لیگل ایڈوائزر سردار محمد یعقوب مستوئی ءَدلیل دیانءَ گوشتگ کہ ملزم آں پیپرا رولز آنی ھلاپ کتگ راجی ادارگ ءَ چہ کروڑانی کلدار ءِتاوان پجارینتگ پمےھاترا ملزم آنی دزبندی زامنی رد کنگ بہ بیت۔ آمید گس ءَ سردار محمد یعقوب مستوئیءَدلیل ءَ گوں تپاک کنان ءَ شش ملزم آنی دزبندی دزگیری ءَ چہ پیسر رد کتگ پدا ھم آمید گس ءَ چہ تچگ ءَ آ کامیات بوتگ انت۔ بنجاھی پٹ ءُ پولی ادارگ ایف آئی اے ءِاینٹی کرپشن ونگ ءَپٹ ءُ پول کنان ءَ ملزم آنی ھلاپ ءَ ایف آئی اے ءِ نیمگ ءَچہ درج کتگیں ایف آئی آر ءِ رد ءَ ایف آئی اے ءَ را انکوائری ءِ نتیجگ سہرا بوتگ ایسوسی ایٹڈ پریس آف پاکستان کارپوریشن اے پی پی سی ءِ پروکیورمنٹ کمیٹی ءَ ٹھیکیدار آنی گوما مل اتگ انت ءُ سرکاری ھزانگ ءَچہ 124.96 ملین بزاں 12 کروڑ 49 لکھ ءِ تاوان پجارینتگ۔اے منصوبگ ءِھواریںکساس 786.79 ملین کلدار بوتگ۔ انکوائری ءِ ساھت ءَ مالوم بوتگ کہ پروکیورمنٹ کمیٹی ءِممبر اے وھد ءَپروجیکٹ ڈاسئریکٹر محمد غواث ، ڈپٹی ڈائریکٹر آئی ٹی مصور عمران ءُ چیف کمپیوٹر انجینئر سعد مدثر ھوار بوتگ انت۔ آواں ٹھیکیدار میسرز آر ٹ ٹیک پروئیویٹ لمیٹڈ، میسرز تیجاریا، میسرز کامٹیل ءُ میسرز نیو ہوریزن ءِ گوما ھوار بوتگ ءُ ادارگ ءِ کوھنیں سامان آناں نوکیں ٹیکنالوجی ءَ گوںمٹ کنان ءَ ھال آنی شنگ ءُ تالان آپریشن ءِ نوک سر جوڑیشت ءِ منصوبگ ءَ بھا زورگ ءِ کار ءَ کانود ءِھلاپءَ کار کتگ ءُ راجی ھزانگ ءَ ٹوھیں تاوان ءِپجارینتگ۔ آیف آئی ا ے نیمگ ءَ چہ ملزم آنی ھلاپءَ دروگ بندت، پڈائی کنگ، کرپشن ، کانود ءِ ھلاپ ءَ کار کنگ، مستری آنی ھراب کارمرز کنت، سرکاری ھزانگ ءَ را ٹوھیں تاوان پجارینگ ءُسرکاری فنڈز آناں رد کارمرز کنگ ءِ دفعہ ھوار انت۔ اے ملزم آنی تہءَ محمد غواث (پراجیکٹ ڈائریکٹر)، مصور عمران (ڈپٹی ڈائریکٹر )، سعدمدثر (چیف کمپیوٹر انجینئر ) بلال ظفر (ڈپٹی ڈائریکٹر سائبر ونگ وزارت اھوالکاری)، ارشد مجید چوہدری(منیجر اکائونٹس)، ضیاء اللہ بھٹو (ڈائریکٹر ایڈمن اینڈ پی اینڈ ڈی)، میسرز تیجاری پاکستان پرائیویٹ لمیٹڈ، میسرز نیو ہوریزن، میسرز آرٹ ٹیک سسٹم، میسرز میڈیا لنکس ءِکارندہ ھوار انت۔ اے ملزمآنی ھلاپءَ سیکشن 34.409 ، 420، 468، 471 ، PPC r/w 5(2) 47 PCA ءِ چیر دستی ءَ کیس درج کنگ بوتگ۔ ادا اے گپ لائک ءِ تران انت کہ ایف آئی اے اسلام آباد زون ءِ ڈائریکٹر سید شہزاد ندیم بخاری، ایف آئی اے اینٹی کرپشن سرکل، سلام آباد ءِڈپٹی ڈائریکٹر محمدافضل نیازی ءُ اسٹنٹ ڈائریکٹر شاہد پرویز ملک ءَاے کرپشن کیس ءَ میرٹ ءُ ساپ ءُسلہ ائی ءِ وسیلگ چار ءُ تپاسی کتگ ءُ باز ساپءُ سلہ ءِ گوما انکوائری سرجم کتگ۔ تپشیشی اپسرگ آں آمید گس ءِ دیمءَ جوانیں رنگ ءَکیس پیش کتگ۔ ملزم آنی دزگیری ءِواستہ ایف آئی اے ءِ ٹیمب جوڑ کتگ ءُکاروائی بندات کتگ۔
