آستانہ۔4جولائی (اے پی پی): مزن وزیر محمد شہباز شریف ءَ شنگھائی کمکی گل ءِ سروکی ءَ دیوان ءُ ایس ای او پلس سمٹ ءَ فلسطین ءِجاور ھال آنی ھولگ ءَ سہرائیں لیکہ ءِ وتی کتگ ءُ میاں اوستمانی برات آنی سر ءَ اسرائیلی آناں پسو دیگ ءُ انصاف ءِ نکان ءَ اوشتارینگ ءِ واستہ زور پر داتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ شنگھائی کمکی گل ءِ دیوان ءَ گوں گشتانک دیان ءَ غزہ ءِ کیس ءَ را جوانیں رنگ ءَ سہرا کتگ ءُ آئیءَ میاں اوستمانی برات آنی سر ءَ اسرائیل ءَ را پسو گرگ ءُ انصاف ءِ نکان ءَ اوشتارینگ ءِ زور پر داتگ۔ مزن وزیر ءَ گوشت کہ اسرائیل فلسطینی آنی نسل کشی ءَ گوں دست مانجن انت۔ میاں اوستمانی آمید گس ھم اسرائل ءَ را زوراکیں کاروائی ءَ فلسطینی آنی نسل کشی نامینتگ ۔ مزن وزیر ءَ گوشت کہ اسرائیل غزہ ءَ ظلم ءِ کوہ پروشگ ءَ انت ءُ جنگی کرائم آں گوں دست مانجن انت۔ میاں اوستمانی برات غزہ ءَ زوتیں جنگ بندی ءُ بنی آدمی کمک ءِ رسائی ءِ واستہ وتی کوشست ترند تر بکنت۔ آئی ءَ گوشت کہ پاکستان ءِ بن گپ انت کہ توامیں کشاں چیل آنی گیواری یونائیٹڈ نیشن ءِ منوگری آنی رد ءَ بہ بنت۔ مزن وزیر ءَ گوشت کہ فلسطین ءَ 37 ہزار ءِ نزیک ءَکودکیں مردم آناں شہید کنگ بوتگ ایشانی تہءَ گیشتر زالبول ءُ زھگ آنی انت۔ اسرائیل ءِ نیمگ ءَ چہ 20 لکھ فلسطینی آناں بے لوگ کنگ بوتگ، پاکستان فلسطین ءِ جیڈھ 1967 ءَ چہ پیسر سیم سر آنی نمونگ ءَ دو ریاستی گیواری ءِ منوک اِنت، ایشی ءِ چیر دستی ءَ فلسطینی ریاست ءِ جوڑیشت بہ بیت ایشی ءِ دارالحکومت القدس بہ بیت۔
