آستانہ۔ 04 جولائی (اے پی پی) بیلاروس باضابطہ وڑاٹ شنگھائی کمکار تنظیم(ایس سی او) ناباسک جوڑ مس۔ شنہوانا رداٹ شنگھائی کمکار تنظیم نا 24 می سروکی دیوان پنچ شنبے نادے آ آستانہ ٹی بناکرے ۔ سروکی دیوان نا بنااسہ سرکاری دود اسے آن مس ہراٹی بیلاروس نا رکنیت کن غٹ تعلقدار دستاویز آتیا دستخط کننگا۔ سروکِ مملکت ایس سی او دیوان اٹی جمہوریہ بیلاروس ناپورو رکنیت نا فیصلہ کرے۔ یات سلے کہ شنگھائی کمکار تنظیم نا سروکی دیوان داوخت آ آستانہ ٹی برجاءِ ہراٹی چین، روس ، قازقستان ، بھارت ،ایران، کرغزستان ، پاکستان، تاجکستان، ازبکستان ، بیلاروس، منگولیا، آذربائیجان ، قطر، متحدہ عرب امارات ، ترکی و ترکمانستان و ایلو ملک آک بشخ ہلنگ اٹی ءُ۔
