آستانہ۔4جولائی (اے پی پی):شنگھائی کمکی گل ءَ معیشت ءُ سلامتی ءَھوار جتا جتائیں شوبگ آنی تہ ءَ کمک آنی پیسلہ ءِ منظوری داتگ، ماحولیات ءِ رکھینگ ءِ ھوالگ ءَ منوگری آنی سر ءَ دست چنگل ھم جتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں جار ءِ رد ءَ مزن وزیر محمد شہباز شریف ءَ 3 ءُ 4 جولائی ءَ آستانہ ، کزاکستان ءُ ایس سی او کونسل آف ہیڈز آف سٹیٹ سی ایچ ایس ءِ دیوان ءَ پاکستانی ڈل ءِ سروکی کت۔ کونسل آف ہیڈز آف اسٹیٹ( سی ایچ ایس) ءَ ما دمگی ءُ میاں اوستمانی ، سیاسی ، سیکورٹی ءُ اقتصادی جیڈھ، ءُ چیلنجز لآنی دیمروئی ءِ بابت ءَ ھیال ریچی کت۔ کونسل ءَ کمک آنی جتا جتائیں شوبگ آنی کساس 20 پیسلہ آنی منظوری دات۔ آستانہ جار ءَ را وتی ءَ ابید سی ایچ ایس ءَ سئے بیان آناں وتی کت ایشانی تہ ءَ ورگی آپ ءُ سپائی، ویسٹ، منیجمنٹ ءِ جوانیں انتظامی ءُ شریں ھمساھگ ءِ رھبند ھوار انت۔ کونسل ءَ اقتصادی ءُ سلامتی ءِ شوبگ ءَ جاڑیگیں کمک آنی واستہ جتا جتائیں منصوبگ ءُ گامگیج آنی ھم منظوری دات۔ ماحولیات ءِ رکھینگ ءِ ھوالگ ءَ یک منوگری ءِ سر ءَ ایس سی او ءِ استیں وزیر ءَ دست چنگل جت۔ سی ایچ ایس ءِ سروکی ءَ دیودان ءِ ساھت ءَ وتی بیان ءَ مزن وزیر شہباز شریف ءَ “شنگھائی سپرٹ” ءِ وستہ پاکستان ءِ جزم ءِ درشان کت ایش یکجائی وشھالی ءُ دیمروئی ءِ واستہ وت مہ وتی دل یکیمی ءُ شرپ آنی رد ءَ انت۔ یونائیٹڈ نیشن ءِ چارٹر ءِ مولءُ مراد ءُ ر ھبند آنی درشان ءَ کنا ن ءَ مزن وزیر ءَ یونائیٹڈ نیشن ءِ بنجاھی یکوئی ءِ کرد ءُ یونائیٹڈ نیشن ءِ سلامتی کونسل ءِ سیادی داروکیں منوگری آنی رد ءَ کوھنیں کشاں چیل آناں گوں ایمنیں کار رپک آنی وسیلگ ءَ گیواری ءِ ضلورت ءِ زور پر دات۔ مزن وزیر ءَ غزہ ءِ جاور ھال آنی ھوالگ ءَ پاکستان ءِ جوانیں لیکہ ءَ را ھم سہرا کت ءُ ایمنی ءُ وشھال اوگانستان ءِ ارزشت ءِ زور پر دات۔ آءی ءَ پاکستان ءِ اسٹریٹیجک جغرافیائی ھند آناں ایس سی او ءِ سرجمیں پڑ ءِ واستہ یک دروری تجارتی ءُ ٹرانزٹ حب ءِ رد ءَ سہرا کت۔ ایس سی او کونسل آف ہیڈز آف گورنمنٹ سی ایچ جی ءِ چیئرمین ءِ رد ءَ انت، پاکستان وت مہ وتی واھگی کار ءِ شوبگ ءَ ایس سی او ءِ توامیں باسک آنی نیام ءَ کمک آناں ودینگ ءِ واستہ کار ءَ را برجا دار ائیت۔
