اسلام آباد۔ 04 جولائی (اے پی پی) وزیراعظم نا کوآرڈی نیٹر موسمیاتی بدلی رومینہ خور شید عالم تون قطر انا بڑزکو کہول انا تکنیکی ڈل پنچ شنبے نادے آ داڑے کرنل احمد عبداللہ العابداللہ نا کماشی ٹی وزارت موسمیاتی بدلی ٹی اوڑدہی کرے۔ جاری بیان نا رداٹ اوڑدہی ٹی موسمیاتی بدلی، چاگڑد، دیر انا بست وبند، توانائی، جنگلات و ڈیزاسٹر مینجمنٹ اٹی کمکاری آ سجفنگا۔ وزیراعظم نا کوآرڈی نیٹر موسمیاتی بدلی رومینہ خورشید عالم وزیراعظم نا چندی کلین اینڈ گرین گام گیج آتا بارواٹی معلومدار کرے۔ ڈل پاکستان ءِ موسمیاتی بدلی، چاگڑدی رکھ، قومی آفت و نوکاپ آن بچنگ کن ہرممک کمکاری نا باوری کرفے۔ داوخت آ گپ وتران کرسا رومینہ خورشید عالم پارے کہ موسمیاتی عمل ءِ مون آ دننگ کن چندی ملک آتون کلائمیٹ ڈپلومیسی آ چکار کرینے۔ اوپارے کہ ہدف آتا دوئی کننگ کن کمکاری نا قول آ قطری ڈل انا منت واری ءِ ہرفنہ۔
