بلوچستان اٹی پاسپورٹ دفترآتے اپ گریڈ کننگ نا سخت گرج ، گڑاس علاقہ غاتا الس وخت آ پاسپورٹ آفس آتیاسرمفسہ،  چیئرمین سینیٹ سیدال خان

اسلام آباد۔ 04 جولائی (اے پی پی) ڈپٹی چیئرمین سینیٹ سیدال خان پارینے کہ بلوچستان اٹی پاسپورٹ دفترآتے اپ گریڈ کننگ نا سخت گرج ءِ، گڑاس علاقہ غاتا الس  پاسپورٹ آفس اسکان فاصلہ زیات مننگ نا سوب آن وخت آ سرمفسہ۔ سینیٹ سیکرٹریٹ آن جاری بیان نا رداٹ داخیال آتا درشانی ءِ او ڈی جی پاسپورٹ مصطفیٰ جمال قاضی تون گپ وتران اٹی کرے ہرا پنچ شنبے نادے آ داڑے اوڑتون اوڑدہی کرے۔ ڈی جی پاسپورٹ چیئرمین سینیٹ ءِ پاسپورٹ نا جاری کننگ و پوسکن آ ڈٹ آتا بارواٹی معلومدار کرے۔ ڈپٹی چیئرمین سینیٹ ڈی جی پاسپورٹ نا کماشی ٹی پاسپورٹ نا دوئی کننگ نا عمل ءِ آسان کننگ و کوشست آتا ستاءِ کرے و اودے بلوچستان اٹی الس   ءِ پاسپورٹ نا دوئی کننگ اٹ مون تروک ویل آتابارواٹی معلومدار کرے۔ اوپارے کہ گڑاس علاقہ غاتا الس نا پاسپورٹ آفس اسکان فاصلہ زیات مننگ نا سوب آن وخت آ سرمفسہ، بلوچستان اٹی پاسپورٹ دفترآتے اپ گریڈ کننگ نا گرج  ءِ، السی فائدہ غاتا خاطر صوبہ ٹی پاسپورٹ نا پین دفتر جوڑ کروئی مریک۔ اوپارے کہ السی آگاہی آ ہم چکار کننگ المی ءِ تانکہ کودک شاری تے جعل ساز آتیان بچفنگ مرے۔ ڈپٹی چیئرمین سینیٹ ڈی جی پاسپورٹ ءِ تینا پبی کمکاری نا باوری کرفے۔ ڈی  جی پاسپورٹ ڈپٹی چیئرمین سینیٹ نا خیال آتیان امنا کرے و پارے کہ سلاہ اہم ءِ، سنجیدہ گام گیج کننگ کن سجفنہ۔