کوئٹہ۔ 04 جولائی (اے پی پی) دامانِ کوئٹہ تون اوار بلوچستان نا گیشتر علاقہ غاک ترندانگا باسنی نا پلویڑاٹی بسنو، بلوچستان نا میدانی علاقہ غاتیٹی درجہ حرارت 48 ڈگری سینٹی گریڈ ریکارڈ کننگا۔ محکمہ موسمیات نار داٹ کوئٹہ شار اٹی باسنی نا شدت بروک آاِرادے اسکان برقرارسلنگ نا گمان ءِ کوئٹہ شار اٹی زیات آن زیات درجہ حرارت 41 ڈگری سینٹی گریڈ ریکارڈ کننگا۔ بلوچستان نا گیشتر علاقہ غاتیٹی موسم بارن و باسن سلک غٹ آن زیات درجہ حرارت نوکنڈی 48، دالبندین47، گوادر 37، جیونی 35، تربت اٹی 43 ڈگری سینٹی گریڈ ریکارڈ کننگا۔ محکمہ موسمیات نا رداٹ بروک آ24 گھنٹہ ٹی شام و نن نا وخت آ ژوب، موسیٰ خیل، بارکھان و خضدار اٹی ترند تہو و ہورہ و گروک اٹ پِر انا گمان ءِ۔
