آستانہ۔3جولائی (اے پی پی): مزن وزیر محمد شہباز شریف ءَ پاکستان، ترکیہ ءُ آزربائیجان ءِ نیام ءَ معیشت ءُ سرمایہ کاری ءِ شوبگ ءَ سئے پریکی کمک آنی دیمروئی دیگ ءِ واستہ گامگیج رد ءُ بند دیگ ءِ ضلورت ءِ ھوالگ ءَ زور پر دیان ءَ گوشتگ کہ پاکستان اے ملک آنی نیام ءَ معیشت، ھاٹیگ ، سیل ءُ سواد، موسم ، دود ءُ ربیدگ ، وانگ ءُ زانگ ءُ انفارمیشن ٹؑیکنالوجی ءِ شوبگ ءَ سئے پریکی کمک آنی دیمروئی دیگ ءِ ھوالگ ء دل یکیمی دار ائیت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان، ترکیہ ءُ آزربائیجان ءِ نیام ءَ سئے پریکی گپ ءُ تران بندات بوتگ انت ایشی ءِ اندر ءَ مزن وزیر محمد شہباز شریف ، ترکیہ ءِ صدر رجب طیب اردوان ءُ آزربائیجان ءِ صدر الہام علی یوف ءَ بھر زوری کت۔ اے موہ ءَ تران کنان ءَ مزن وزیر شہباز شریف ءَ گوشت کہ پاکستان ترکیہ ءُ آزربائیجان ءِ گوما وتی یکوئ آناں شرپ ءِ نگاہ ءَ چار ائیت۔ مزن وزیر ءَ سئیں ملک آنی نیام ءَ معیشت ءُ سرمایہ کاری ءِ شوبگ ءَ سی پریکی کمک آنی دیمروئی دیگ ءِ واستہ گامگیج رد ءُ بند دیگ ءِ ضلورت ءِ ھوالگءَ زور پر دات۔ پاکستان ترکیہ ءُ آزربائیجان ءِ گوما معیشت ، ھاٹیگ، سیل ءُ سواد ، موسم ، دود ءُ ربید، وانگ ءُ زانگ ءُ انفارمیشن ٹیکنالوجی ءِ شوبگ ءَ سئے پریکی کمک آناں دیمروئی دیگ ءِ ھوالگءَ دل یکیمی دار ائیت۔ ایشی ءَ چہ پسر سئیں ملک آنی وزیر ءِ درئی کار ءِنیام ءَ سئے پریکی گپ ءُ تران آنی دور ءُ باریگ ءِ بندات بوتگ۔
