آستانہ۔3جولائی (اے پی پی): مزن وزیر محمد شہباز شریف ءُ ازبکستان ءِ صدر ءَ دوئیں ملک آنی نیام ءَ باز کسی یکوئی، تجارت ، رابطہ ، دیمپانی ، سلامتی، دود ءُ ربیدگی ، السی تک ءَ رابطہ ءُ وت مہ وتی سیت آنی رد ءَ کمک آںاں شاھیگانی دیگ ءِجزم ءِ درشان کنان ءَ دل یکیمی ءِ ر5دون کتگ کہ اول سرئی تجارتی منوگر ءُ پاکستان ازبکستان ٹرانزٹ ٹریڈ ایگریمنٹ ءَ را پکوئیں رنگ دیگ ءَ دو نیمگی تجارتی ءُ اقتصادی یکوئی آناں گیش دیمروئی رسیت۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ ازبکستان ءِ صدر شوکت مرزیوئیف ءِ نیام ءَ کزاکستان ءَ برجم بوھوکیں شنگھائی کمکی گل ءِ سروکی ءَ دیوان ءِ موہ ءَ گند ءُ نند ءُ نند بوت۔ مزن وزیر ءُ ازبکستان ءِ صدر پاکستان ءُ ازبکستان ءِ نیام ءَ باز کسی یکوئی، تجارت ، رابطہ ، دیمپانی، سلامتی ، دود ءُ ربیدگی ءُ الس ءَ گوں الس ءَ رابطہ آنی تہءَ وت مہ وتی سیت مندیں کمک آناں شاھیگانی دیگ ءِ جزم ءِ درشان کت۔ دوئیں سروک آں تپاک کت کہ ازبکستان پڑے ملک آنی واستہ تجارت ءَ را شاھیگانی دیگ ءِ ھوالگ ءَ چہ یک ٹرانزٹ پوائنٹ ات۔ دوئیں سروک آں اے ھوالگ ءَ استیں جتا جتائیں آپشنز آنی پٹ ءُ پول بنداست کنگ ءِ ھوالگءَ تپاک کتگ۔ ا یشی ءَ ابید دوئیں ملک آنی نیام ءَ تجارت ءَ را ودینگ ءِ واستہ کراچی پورٹ ءَ را ترمز ءَ گوں ھوار کنگ ءِھوالگ ءَ ھم ھیال ریچی کنگ بوتگ۔ مزن وززیر شہباز شریف ءَ یک وشھالیں نیامی ایشیائی ءُ گیش بوھوکیں دمگی رابطہ آنی واستہ پاکستان ءِواھشت ءِ درشان کتگ۔ دوئیں سروک آں اے دل یکیمی ءِ درشان کتگ کہ اول سرئی تجارتی منوگری ءُ پاکستان ازبکستان ٹرانزٹ ٹریڈ ایگزیمنٹ ءَ را پکوئیں رنگ دیگ ءَ دو نیمگی تجارتی ءُ اقتصادی یکوئی آناں دیمروئی رسیت۔ دوئیں سروک آں اوگانستان ءَ پڑے دیمروئی ءُ وشھالی ءَ شریکدار بوت کنت، جاور ھال ءُ ایمنی ءِ برجا دارگ اوگانستان ءِ واستہ پاکستان ءُ ازبکستان دوئین آں یکجائی جزم ءِ درشان کت۔ ازبکستان- اوگانستان- پاکستان ریلوے منصوبگ ءِ زوت سرجمی ءِ ھوالگءَ ھیال ریچی کنگ بوت۔
