ڈپٹی کمشنر حب انا کماشی ٹی محرم الحرام اٹی سیکورٹی نا بست وبند آتا بابت اہم دیوان

حب۔ 02 جولائی (اے پی پی) حب محرم الحرام اٹی سیکورٹی نا بست وبند آتا بابت ڈپٹی کمشنر حب روحانہ گل کاکڑ ناکماشی ٹی  اہم دیوان اس ڈی سی آفس سوک سینٹر حب اٹی اڈ ہلک۔ سرجم حوال آتا رداٹ حب ڈسٹرکٹ محرم الحرام اٹی سیکورٹی نا بست وبند آتا بابت ڈپٹی کمشنرحب روحانہ گل کاکڑ نا کماشی ٹی اہم ءُ دیوان اس ڈی سی آفس حب اٹی اڈ ہلک دیوان اٹی ڈسٹرکٹ ہیلتھ آفیسر ڈاکٹر نور محمد بزنجو اسسٹنٹ کمشنر حب محمد علی درانی اسسٹنٹ کمشنر وندر امیر حمزہ ڈی ایس پی حب امام بلوچ تحصیلدار حب جہانگیر کاکڑ چیف آفیسر حب سید سلیم شاہ ایم ایس سول ہسپتال جام غلام قادر حب ڈاکٹر ناصر شیخ نا الیکٹرک نا سنیل کمار لیڈا نا آفیسر آتون اوار چندی مکتبہ فکر انا عالم دینک بشخ ہلکر ۔ دیوان اٹی ڈپٹی کمشنر حب روحانہ گل کاکڑ پارے کہ محرم الحرام نا وخت آ سیکورٹی نا فول پروف بست وبند کننگک ہروڑنا ناخوشگوار واقعہ غاتون مون تننگ کن پولیس و ایف سی ہروخت تیار سلرہ داوخت آ ڈپٹی کمشنر حب چیف آفیسر میونسپل کارپوریشن حب ءِ پارت جاری کرے کہ او امام بارگاہ و جلوس آتا روٹ آتا سفائی ستھرائی نا خاص خیال ءِ تخے و سیوریج لائن تا جنرل سفائی فائر بریگیڈیئر آتون اوار المی بست وبند آتے پورو کے، ڈپٹی کمشنر حب ڈی ایچ اوءِ پارت جاری کرے کہ او عاشورہ نا دے عزارداری کروک آتیکن امام بارگاہ جام کالونی ناخڑک اسہ میڈیکل کیمپ اس اڈایتک وخت اس  کہ ایم ایس جام غلام قادر گورنمنٹ ہسپتال حب اٹی 10 محرام الحرام  آ جام غلام قادر گورنمنٹ ہسپتال حب اٹی ڈاکٹر آتون اوار عملہ نا حاضری تے پک کیرہ ، کے الیکٹرک انتظامیہ ءِ پارت جاری کرے کہ یکم محرم الحرام آن 9 محرم الحرام اسکان مجلس آتا وخت آتیٹی لوڈشیڈنگ کننگپ۔