انجینئرنگ مصنوعات نا برآمد آتیٹی تدوک آ مالی سال اٹی ودکی ریکارڈ

اسلام آباد۔ 01 جولائی (اے پی پی) ملک اٹی انجینئرنگ مصنوعات نا برآمد آتیٹی تدوک آ مالی سال اٹی ودکی ریکارڈ کننگانے۔ اسٹیٹ بینک و پی بی ایس نا کنڈآن دا بابت جاری کروک حساب وکتاب نا رداٹ تدوک آ مالی سال انا اولیکو 11 تُو اٹی انجینئرنگ منصوعات نا برآمد آتیان ملک ءِ 259.70ملین ڈالر نا زرمبادلہ دوئی مس ہرا تدوک آ مالی سال انا ہندا مد انا مقابلہ ٹی 6.03 درسد زیات ءُ، تدوک آ مالی سال انا ہندا مد اٹی انجینئرنگ مصنوعات نا برآمد آتیان ملک ءِ 244.92 ملین ڈالر نا زرمبادلہ دوئی مسوسس۔ مئی 2024اٹی انجینئرنگ مصنوعات نا برآمد آتا کچ 32.25 ملین ڈالر ریکارڈ کننگا ہرا اپریل اٹی 21.66 ملین ڈالر و تدوک آ سال مئی ٹی 24.85 ملین ڈالر ئسر، مالی سال 2023 اٹی انجینئرنگ مصنوعات نا برآمد آتیان ملک ءِ 261.34 ملین ڈالر زرمبادلہ دوئی مسوسس۔ تدوک آ مالی سال انا 11 تُو اٹی برقی پنکھہ غاتا برآمد آتا کچ 26.21 ملین ڈالر، ٹرانسپورٹ ازباب آتا برآمد آتا کچ 26.49 ملین ڈالر و برقی مشینری 48.24 ملین ڈالر ، آٹوپارٹس 20.47 ملین ڈالر و سپیشلائزڈ مشینری نا برآمد آتا کچ 43.60 ملین ڈالر ریکارڈ کننگانے۔