زرمبادلہ نا ملکی کوڑی تیٹی تدوک آ مالی سال اٹی 5.047 ارب ڈالر ودکی

اسلام آباد۔ 01 جولائی (اے پی پی) زرمبادلہ نا ملکی کوڑی تیٹی تدوک آ مالی سال اٹی 5.047 ارب ڈالر نا نمان ودکی ریکارڈ کننگانے۔ سٹیٹ بینک انا کنڈآن جاری کروک حساب وکتاب نا رداٹ 30 جون 2023 آ زرمبادلہ نا جم کوڑی تا کچ 9.160 ارب ڈالر ریکارڈ کننگاسس ہراٹی سٹیٹ بینک اتون زرمبادلہ نا کوڑی تا کچ 4.445 ارب ڈالر و بینک آتون 4.715 ارب ڈالر ریکارڈ کننگاسس۔ 21 جون 2024 آ چٹوک آ ہفتہ ٹی زرمبادلہ نا جم ملکی کوڑی تا کچ 14.207 ارب  ڈالر ریکارڈ کننگا ہرافتے ٹی اسٹیٹ بینک اتون زرمبادلہ نا کوڑی تا کچ 8.896 ارب ڈالر و بینک آتون 5.132 ارب ڈالر ریکارڈ کننگاسس۔ تدوک آ مالی سال اٹی اسٹیٹ بینک اتون زرمبادلہ نا کوڑی تیٹی 4.451 ارب ڈالر و بینک آتون ساڑی زرمبادلہ نا کوڑی تیٹی 597 ملین ڈالر رنا ودکی ریکارڈ کننگانے۔