سینیٹ نا کمیٹی تفویض کروک کانود سازی نا دیوان، سینیٹر نسیمہ احسان چیئرپرسن گچین

اسلام آباد۔ 01 جولائی (اے پی پی) سینیٹ نا  کمیٹی تفویض کروک کانود سازی نا دیوان پارلیمنٹ ہاؤس اٹی اڈ ہلک ہراٹی سینیٹر نسیمہ احسان ءِ چیئرپرسن گچین کننگا۔ دوشنبے نادے آسینیٹ سیکرٹریٹ آن جاری بیان نا رداٹ سینیٹر فوزیہ ارشد سینیٹر نسیمہ احسان نا پن ءِ بطور چیئرپرسن سلاہ کرے وخت اس کہ سینیٹر بشریٰ انجم بٹ اونا پن انا تائید ءِ کرے۔ کمیٹی نا باسک آک چیئرمین کمیٹی ءِ تینا پبی کمکاری نا باوری کرفسا پاریر کہ ملکی باندات آتے اواری اٹ ایسر کننگک۔ پوسکن گچین مروک آ چیئرپرسن باسک آتا پت کننگ آ منت واری ءِ ہرفسا پاریر کہ او کمیٹی اتون اواری اٹ کانود سازی نا عمل ءِ جوان وڑاٹ سرایتک تانکہ ملک شونداری نا کنڈآ ہننگ کے۔