قومی اسمبلی نا باسک چوہدری ارمغان سبحانی نا کماشی ٹی ڈسٹرکٹ  کوآرڈی نیشن کمیٹی ٹی دیوان

سیالکوٹ۔ 01 جولائی (اے پی پی) کنوینیر/قومی اسمبلی نا باسک چوہدری ارمغان سبحانی نا کماشی ٹی ڈسٹرکٹ کو آرڈی نیشن کمیٹی نا دیوان اس اڈہلک ۔ ڈپٹی کمشنر سیالکوٹ  محمد ذوالقرنین ،  پنجاب اسمبلی نا باسک محمد منشاء اللہ بٹ، چوہدری فیصل اکرام، چوہدری طارق سبحانی ، رانا عارف اقبال ہرناہ، اے ڈی سی ریونیو محمد اقبال، اے ڈی سی فنانس ظفرمختار دیوان اٹی بشخ ہلکر وخت اس کہ ڈپٹی ڈائریکٹر ڈویلپمنٹ محمد آصف حوال تس۔ دیوان ءِ پاننگاکہ حکومت پنجاب شونداری ڈٹ آتیکن ہرایم این اے و ایم پی اے تا حلقہ ٹی اسہ اسہ ارب روپئی نا فنڈفراوان کیک، روڈ سیکٹر، بلڈنگ سیکٹر تون اوار غٹ بشخ آتا دااسکیم تیکن اسمبلی نا باسک آک شونداری ڈٹ آتا سلاہ و سوج جمع کرفینو، کمیٹی باسک آتا کنڈآن تروک آ غٹ اسکیم تے منظور کرے وخت اس کہ اسمبلی نا باسک آک دااسکیم تا اولیت نا تعین نا مجاز مریرہ۔ کوآرڈی نیشن کمیٹی پارت کرے کہ بشام نا بناآن مست محکمہ انہار، محکمہ شاہرات آبی گزرگاہ تا بند پلی تا سفائی ءِ پک کیک و تجاوزات آتے چٹفنگک، اسکول کونسلز اسہ ہفتہ ٹی فعال کننگک۔ کمیٹی سیالکوٹ  جمخانہ نا جوڑ کننگ نا اصولی منظوری ءِ تس وخت اس کہ چیف ایگزیکٹیو گیپکو آن خواست کننگا کہ خلقی سب ڈویژن آتیٹی ہم اسہ وٹ اسٹاف تعینات کننگے نیز مجاز اتھارٹی نا پارت آتا رداٹ سید پور سب ڈویژن ءِ اِرا سب ڈویژن اٹی بشخنگے۔