سی پیک چین نا بیلٹ اینڈ روڈ انیشی ایٹیو نا فلیگ شپ ڈٹ، دا ارٹ میکو ریسہ ٹی پترینگانے، حسن داؤد بٹ

اسلام آباد۔ 01 جولائی (اے پی پی) چین پاکستان اقتصادی راہداری ڈٹ(سی پیک ) نا مسکوہی پروجیکٹ ڈائریکٹر، چائنا سٹڈی سینٹر و انرجی چائنہ پاکستان اٹ سینئر سلاہکار ڈاکٹرحسن داؤد بٹ پارینے کہ سی پیک چین نا بیلٹ اینڈ روڈ انیشی ایٹیو (بی آر آئی) نا اسہ فلیگ شپ ءُ ڈٹ اسے، سی پیک ڈٹ ارٹ میکو ریسہ ٹی پترینگانے۔ داہیت ءِ او دوشنبے نادے آ اے پی پی  تون گپ وتران کرسا پارے۔ اوپارےکہ 2013 ٹی پاکستان ءِ توانائی  و انفراسٹرکچر نا کاختی مون تروک ئس  ہرانا سوب آن قومی زرگزران سست روی نا گواچی ئس۔ اوپارے کہ سی پیک نا اولیکو ریسہ ٹی چندی توانائی و ٹرانسپورٹ نا بنداوی پنجر نا ڈٹ آتا پوروی مس ہراڑآن اقتصادی بھرم ہم ملنگ اٹی ءِ۔ اوپارے کہ صنعتی شونداری کن توانائی نا تنکی نا مون ءِ توننگ تون اوار اوار سڑک آتا بنداوی پنجر آتیان پاکستان نا شار تا نیام اٹ فاصلہ و وخت انا زیان کم مسنے ہراڑآن بھاز انگا خلقی مارکیٹ خاص وڑاٹ کشاری منڈی تے شار و اہم علاقہ غاتون ہم گنڈنگ انگ ءِ، داکان بیدس تدوک آ دہائی ٹی پاکستان نا چین ءِ برآمد آتیٹی کیہی ہنداخہ  ودکی مس۔ اوپارے کہ ملک انا سویل دیکی صوبہ بلوچستان اٹی گوادر بندرگاہ نا جوڑ کننگ آن پاکستان نا زرگزران اٹی گچینی بس و علاقائی رابطہ غاتیٹی ودکی مسنے۔ اوپارے کہ سی پیک نا بڑزکو آب انا تفنگ ءِ مون آ دننگ کن ودوک آ کمکاری نا بشخ انا وڑاٹ شونداری،معاش، اختراع، سوز شونداری و شمولیت نا پوسکن آ کوریڈورتیار کننگ انگ ءِ۔ اوپارے کہ پاکستان شاہراہ قراقرم نا اپ گریڈیشن آ چکار تخک، مین لائن ون ڈٹ انا کمک اٹ اسہ سوگو ءُ ریلوائی نظام اسے تون اوار اوار کشت وکشار، انفارمیشن اینڈ ٹیکنالوجی، توانائی تون اوار چندی اہم بشخ آتیا چکار و کانڑ کنی و سیل و سوات ءِ چینی کمکاری و آزموندہ غان شونداری تننگک۔