اے این ایف نا منشیات اسمگلنگ نا برخلاف کریک ڈاؤن ، 833 کلوگرام منشیات دوئی، 3 دوبہ دار دزگیر

راولپنڈی۔ 01 جولائی(اے پی پی) اینٹی نارکوٹکس فورس منشیات اسمگلنگ نا برخلاف کریک ڈاؤن اٹی 7 کارروائی تیٹی 833 کلوگرام منشیات دوئی کرسا 3 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری رپورٹ نا رداٹ تدوک آ بیست ءُ چار گھنٹہ ٹی کروک آ انسداد منشیات کارروائی تیٹی باچاخان انٹرنیشنل بالی پٹ آقطر آ ہنوک آ مسافر آن 748 گرام آئس دوئی کننگا۔ راولپنڈی ٹی کارگو آفس آن آسٹریلیا غا گدریفوک آ پارسل آن 400 گرام آئس دوئی کننگا۔ ماشخیل آن 460 کلوگرام افیم دوئی کننگا۔ پشین روڈ کوئٹہ نا خڑک آن 319 کلوگرام افیم دوئی کننگا۔ کراچی ٹی کنٹینر اسے آن 41 کلوگرام آئس دوئی کننگا۔ حیدر آباد اٹی ریلوائی پھاٹک نا خڑک موٹرسائیکل سوار اسے آن 7 کلوگرام چرس دوئی کننگا ۔ سیالکوٹ اٹی سمبڑیال نا خڑک دوبہ دار اسے آن 4.8 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔