بنجائی وزیر داخلہ نا ضلع خیبر نا پولیس چوکی تختہ بیگ آ دہشت گرد آتا جلہو ءِ بے سہب کننگ آ ایف سی و پولیس کارندہ غاتے خراج تحسین

اسلام آباد۔ 01 جولائی (اے پی پی) بنجائی وزیر داخلہ محسن نقوی ضلع خیبرنا پولیس چوکی تختہ بیگ آ دہشت گرد آتا جلہو  ءِ بے سہب کننگ آ ایف سی و پولیس کارندہ غاتا بہادری ءِ خراج تحسین پیش کرینے۔ بنجائی وزیر داخلہ محسن نقوی پارے کہ دہشت گرد آتا سم کاری آن شہید ایف سی کارندہ شہزاد و شہید وپولیس کارندہ اعجاز نا عظیم قربانی تے خراج عقیدت پیش کینہ۔ شہید ایف سی کارندہ شہزاد و شہید پولیس کارندہ اعجاز جیرت اٹ دہشت گرد آتا مذموم عزم ءِ مش تا کریر ۔ اوپارے کہ دہشت گرد آتا برخلاف بہادری جنگ ترسا شہیدی نا جام ءِ کنوک آ ہڑتوم آ گلزادہ غاتے قوم سلام پیش کیک۔ شہید ایف سی کارندہ شہزاد و شہید پولیس کارندہ اعجاز تینا جون تے ترسا دہشت گرد آتا جلہو ءِ بے سہب کریر۔بنجائی وزیر داخلہ محسن نقوی پارے کہ شہید ایف سی کارندہ شہزاد و شہید پولیس کارندہ اعجاز نا بے مٹ قربانی تے قوم مدام یات تخک۔ شہید مروک آ ہڑتوم آ جوان تا بہادری آ ناز ءِ۔ خیبرپختونخوا پولیس و ایف سی نا بے مٹ قربانی تے خراج عقیدت پیش کرسا بنجائی وزیر داخلہ محسن نقوی پارے کہ خیبرپختونخوا پولیس و ایف سی نا جری آفیسر و ورناک دہشت گردی نا برخلاف جنگ اٹ ہراول دستہ نا کڑد ءِ ادا کرینو۔  خیبرپختونخوا پولیس و ایف سی نا قربانی تا نظیر تاریخ اٹ ملپک۔ اوپارے کہ سیوت و سخااٹ دہشت گردی نا ناسور  ءِ پورو چٹفنگ کن سنبرینگوک اُن۔