“معیشت”  ءِ  جاور  ھال  برجم انت،  حکومتی  گامگیج   آں چہ  میاں  اوستمانی  برات  ءُ  میاں اوستمانی ادارگ   آنی  دل  یکیمی  برجا  بوتگ انت،  معاشی  برجائی  ءِ     ریچ   ءِ  نیمگ ءَ  زوراں ءُ  براں ،   وزیرءِ ھزانگ   سینیٹر محمد  اورنگزیب    ءِ پریس  کانفرنس

اسلام آباد۔30جون  (اے پی پی): بنجاھی وزیر   ھزانگ   ءُ   گپت ءُ گیر    سینیٹر  محمد    اورنگزیب    ءَ گوشتگ کہ   معیشت  ءِ   جاور ھال  برجم انت ،  حکومت  گامگیج  آں  چہ  میاں اوستمانی  برات  ءُ  میاں اوستمانی  ادارگ   آنی  دل  یکیمی  برجا  بوتگ،  معاشی  برجائیءِ  ریچ  ءِ نیمگ ءَ زوراں براں،   42  ہزار   ری  ٹیلرز   آنی رجسٹریشن  بوتگ  ایشانی   سر ءَ جولائی  ءَ چہ  ٹیکس    جنگ  بوتگ۔  نان فائلرز  آنی سر ءَ نوکیں   ٹیکس   آناں  ھلاس  کناں،  ڈی  ایل  ٹی ایل   ءِ   ادئیگی  ءِ  واستہ فنڈز   گیشینگ  بوتگ،   کوکائی   گہتری   کار  نوکیں  نہ  بیت  گڈا   جیڈھ جاڑی  بنت ،  آئی  ایم ایف ءِ گوما  نوکیں   ءُ  دراج بریں  پروگرام     آنی  پد ءَ   پازیٹیو ءُ   راستیں  نیمگءَ   دیمروئی  بوھگ ءَ انت۔  یک شمبے  ءِ روچ ءَ  پریس  کانفرنس   ءَ کنان  ءَ  وزیر  ءِ ھزانگ  ءَ گوشتگ کہ ما اقتصادی   ٹک  آنی گوما  پاکستان  ءِ  مالی سال  ءِ گڈ   بوھگ ءَ انت۔  کلی  معیشت  ءِ جار  ھال  برجم   انت۔  مالی  وام  ءُ  ھساب ءُ داد آنی  کھاتہ   آنی  وام  آنی تہ ءَ  کمی  بوتگ۔  پاکستان  ءِ کرنسی  برجم  بوتگ۔  گران  بھائی   ءِ   کساس  گوستگیں  سال ءِ   38   درسد ءَ چہ  کم بوھان ءَ  12  درسد    ءِ  تک  ءَ اتکگ  وزیر  ءِ    ھزانگ  ءَ گوشتگ کہ  کلی  معیشت  ءِ  برجائی  ءِ ریچ    ضلوری  انت۔