اسلام آباد۔ 28 جون (اے پی پی) بنجائی وزیر حوالکاری ، شینکاری ، قومی میرات و دودوربیدہ عطاء اللہ تارڑ جمہوریت نا سوگوی و آجوئی درشانی سلا ہ کن صحافی تا کڑد ءِ خراج تحسین پیش کرساپارینے کہ صحافی تتون ننا بھاز سوگو ءُ تعلق اسے ، وزارت حوالکاری نا درگہ مدام صحافی تیکن ملوک ءِ، صحافی و میڈیا ورکرآتا ویل آتے اولیتی بنداو تیا ایسر کینہ، اوفتا حق انا استحصال ءِ مننگ کن الیپنہ، صحافی تا خون نا باندات آتا جاست وپاست کن ہرچار آ صوبائی وزیر حوالکاری آتون دیوان اس اڈتننگک، ڈیجیٹل رائٹس پروٹیکشن اتھارٹی نا جوڑ کننگ المی ءِ ہتک عزت کانود آ بھاز انگا کاریم تے کننگ سلوک ءِ ، صحافتی تنظیمک دارداٹ تینا کڑد ءِ ادا کیر، صحافی تے بجٹ بکس انا فراواننی المی ءُ عممل اسے اودے پک کننگک۔ جمعہ نادے آ داڑے پارلیمنٹ ہاؤس اٹی قومی اسمبلی نا دیوان آن واک آؤٹ کروک صحافی تتون گپ وتران کرسا بنجائی وزیر حوالکاری پارے کہ صحافی تتون کنا تعلق بھاز متکن ءِ ۔
