لاہور۔28جون (اے پی پی): وزیر ءِ اھوالکاری ءُ شنگ کاری پنجاپ عظمی بخاری ءَ گوشتگ کہ پنجاپ حکومت ءِ گومگیج آں چہ گران بھائی ءِ تہ ءَ کمی بوتگ، سر وزیر مریم نواز ءَ ایوان ءَ 100 روچ آنی کار کرد ءَ را پیش کت۔ پنجاپ اسمبلی ءَ بُکگ جنوکیں پارٹی ءِ رویہ اپسوزی انت، تحریک انصاف پنجاپ ءِ دیمروئی ءَ چہ سُوچیت۔ آدینگ ءِ روچءَ پنجاپ ؛ اسمبلی ءِ ڈن ءَ پریس کانفرنس ءَ آئیءَ گوشت کہ بُکگ جنوکیں پارٹی بدتمیزی کنگ ءَ چہ پنجاپ حکومت ءَ را وتی زور ءِ چیر ءَ کنت گڈا ایش آئی ءِ غلط پھمی انت۔ ما ھم اپوزیشن ءَ بوتگ آں بلے ما اے وڑ نہ کتگ ، بدتمیزی ءُ زاھءُ بد اپوزیشن پارٹی ءِ کار جوڑ بوتگ۔ آئی ءَ گوشت کہ بجٹ منظوری ءَ چہ پد اے روایت انت کہ سر وزیر د وتی روڈ میپ ءَ دینت، سر وزیر مریم نواز ءَ وتی 100 روچ آنی اندر ارچی پراجیکٹس بندات کتگ ایشاناں دو کلاک آنی گشتانک ءِ اندر ءَ سرجمیں رنگ ءَ بیان کنگ بوت نہ کنت، چیا کہ ایوان ءَ دومی نیمگ ءَ گنڈا گردی کنگ بوھگ ءَ ات۔ یک نیمگ ءَ سر وزیر پنجاپ گران بھائی ءَ را کم کنگ ءُ دیمروئی منصوبگ آنی بابت ءَ گوشگ ءَ اَت دومی نیمگ ءَ اپوزیشن ءِ نیمگ ءَ چہ نہ وشیں گپ ءُ تران کارمرز کنگ بوھگ ءَ اَت۔
