اسلام آباد۔28جون (اے پی پی): بنجاھی وزیر برائے زرئی کار قیصر احمد شیخ ءِ سروکی ءَ کورنگی فشریز ہاربر اتھارٹی بورڈ ءِ نوک سر جوڑیشتی ءِ آسراتی دیوکیں کمیٹی ءِ دومی دیوان آدینگ ءِ روچ ءَ ادا برجم دارگ بوت۔ کمیٹی ءِ باسک آں بنجاھی وزیر ربرائے صنعت ءُ پیداوار رانا تنویر حسین ءُ بنجاھی وزیر تجارت جام کمال خان ھوار ات۔ وزارت زرئی کار ءِ نیمگ ءَ جاڑی بوتگیں جار ءِ رد ءَ کمیٹی مزن وزیر ءِ پنت ءُ شون ءِ پد ءَ کورنگی فشریز ہاربر اتھارٹی بورڈ ءِ نوک سر جوڑیشت ءَ وتی سپارش آناں پیش کنت۔ استیں بورڈ ءِ باسک آنی کساس 6 انت وھدیکہ 5 باسک آناں بنجاھی حکومت ءِ استیں کانود ءِ چیر دستی ءَ نامینگ انت۔ دیوان ءَ را بورڈ ءِباسک آنی لڑ ءِ ھوالگ ءَ سرجمیں بریفنگ دیگ بوت۔ دیوان ءَ مزن وزیر ءِ پنت ءُ شونگ آنی رد ءَ ھاسیں تیابی ھاسیں رنگ ءَ صوبگ آنی سروکی ءِ بابت ءَ زور پر دات۔ قیصر احمد شیخ ءَ گوشت کہ بورڈ آف ڈائریکٹر ءِ سروکی کانود ءُ میرٹ ءِ چیر دستی ءَ کنگ بہ بیت، المی ایں شور ءُ مشور ءَ چہ پد پکوئیں سپارش رند ءُ بند کنگ بہ بیت۔ بنجاھی وزیر ءَ گوشت کہ مزن وزیر پاکستان ءِ وژن ءِ رد ءَ ھواری ءُ جوانیں سروکی ءِ رھبند آنی پد ءُ رند ءَ انت۔
