اسلام آباد۔ 27 جون (اے پی پی) وزارت نیشنل ہیلتھ سروسز ریگولیشنز اینڈ کوآرڈی نیشن وزیراعظم نا منظوری آن عائشہ رضافاروق ءِ اعزازی وڑاٹ وزیراعظم نا فوکل پرسن پولیو نا خاتمہ پن کرینے۔ اونا تقرری ءِ دمدستی کننگ انگ ءِ۔ عائشہ رضافاروق وزیراعظم ءِ پاکستان اٹ پولیو نا چٹفنگ نا کوشست و تازہ انگا حالیت آتیان باقاعدگی اٹ معلومدار کیک وخت ا س کہ صوبائی، ضلعی و بنجائی کہول آ نیشنل ایمرجنسی ایکشن پلان آ عملدرآمد کن بنجائی حکومت نا کنڈآن گام گیج کننگ نا بابت وزیراعظم ءِ سلابت ہم فراوان کیک۔ عائشہ رضافاروق پولیو توننگ نا بابت قومی ٹاسک فورس انا باقاعدہ میٹنگ اڈتننگ اٹ کمک ءِ کیک و انسداد پولیو مہم تا چاری گری اتون اوار اوار غٹ اسٹیک ہولڈر ز بشمول جہانی شریدار آتے راہشونی فراوان کیک تانکہ مہم ناکوریج ءِ گچین کننگ مرے۔ عائشہ رضافاروق پولیو توننگ پروگرام نا مرکزی کہول آ غٹ سرجزآتا راہشونی ءِ کیک۔
