اسلام آباد۔ 27 جون (اے پی پی) بنجائی وزیر قومی غذائی رکھ احسن اقبال پارینے کہ کشاری پیدوار اٹی ودکی ءِ پک کرسا پیدواری کلچر ءِتینا کروئی مریک، بزغرآتا است بڈی ءِ کننگ کن ضلعی کہول آ کشاری پیدوار نا مقابلہ اڈتننگک۔ وزارت قومی غذائی رکھ آن جاری بیان نا رداٹ داخیال آتا درشانی ءِ او چیئرمین پاکستان ایگریکلچر ریسرچ کونسل غلام محمد علی تون گپ وتران کرسا کرے ہرا پنچ شنبے نادے آ اوڑتون اوڑدہی کرے۔ اوڑدہی ٹی کشاری پیدوار اٹی ودکی کن ٹیکنالوجی و جدت ءِ تینا کننگ آ گپ وتران کننگا۔ بنجائی وزیر پارے کہ کشاری پیدوار اٹی ودکی ءِ پک کرسا پیدواری کلچر ءِ تینا کروئی مریک، پیدوار اٹی ودکی کن پائیدار ریسرچ نا گرج ءِ، نجی بشخ انا شمولیت ءِ پک کرسا شفافیت و پٹ وپول نا چاروکی ءِ کننگ وخت انا اہم گرج ءِ ۔ بنجائی وزیرپارے کہ بزغرآتا است بڈی کن ضلعی کہول آ کشاری پیدوار نا مقابلہ اڈتننگے۔ داوخت آ چیئرمین پی اے آرسی غلام محمد علی پارے کہ بج آتیا پابندی نا سوب آن کشاری لائخی کم ءِ۔ بزغرکبینی نا سوب آن ہر وڑنا بج ءِ ہلنگ کپسہ۔
