راولپنڈی۔ 27 جون (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف 4 کارروائی تیٹی 3 دوبہ دار آتے دزگیرکرسا 344 کلوگرام منشیات دوئی کرے۔ اے این ایف ہیڈکوارٹرراولپنڈی نا رداٹ کارروائی تیٹی تدوک آ 24 گھنٹہ ٹی نوکنڈی چاغی آن 316.7 کلوگرام آئس و 17.2 کلوگرام افیم دوئی کننگا۔ سہراب گوٹھ کراچی نا خڑک موٹرسائیکل سُوار اسے آن 6 کلوگرام چرس، قیوم آباد کراچی ٹی دوبہ دارا سے آن 2.9 کلوگرام چرس، ڈیرہ غازی خان روڈ ملتان اٹی دوبہ دار اسے آن اسہ کلو گرام آئس دوئی کرسا دوبہ دار آتے دزگیرکننگا۔ ترجمان پارے کہ دزگیردوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
