اسلام آباد۔ 27 جون (اے پی پی) پاکستان مسلم لیگ (ن) نا مرکزی راہشون مسکوہی ممبر قومی اسمبلی محسن شاہ نواز رانجھا پارینے کہ اختلاف رائے جمہوریت نا زیبائی ءِ، پاکستان پیپلزپارٹی و مسلم لیگ (ن) اٹی زوت باندات آک طے مریرہ۔ پنچ شنبے نادے آ پارلیمنٹ ہاؤس نا پیشن میڈیا تون گپ وتران کرسا اوپارے کہ حقی آ ایلم تیٹی ہم اختلاف مریک پاکستان پیپلزپارٹی و مسلم لیگ (ن) اِرا جتا جتا سیاسی جماعت ءُ و اسیجائی الائنس اٹ بشخندار ءُ اوفتا نیام اٹ باندات آک زوت سہی مریرہ۔ پاکستان تحریک انصاف نا باندات فہم مخلوق مفاہمت نا کنڈآکارہ انتئے کہ داڑتون اوفتا آخبت وابستہ ءِ۔
