اسلام آباد۔ 27 جون (اے پی پی) وزیرمملکت آئی ٹی و ٹیلی کمیونیکیشن شزہ فاطمہ خواجہ پارینےکہ وزیراعظم پاکستان نا وژن نا رداٹ انفارمیشن و کمیونیکیشنز ٹیکنالوجی (آئی سی ٹی ) نا مون آ دننگ کن گام گیج برجاءِ، پاکستان سویڈن تون آئی ٹی و ٹیلی کام سیکٹر اٹ کمکاری ءِ ودفنگ کن خواہندار ءِ ، سویڈش ٹیک کمپنی تے آئی ٹی و ٹیلی کام سیکٹراٹی زرکاری نا سلہ خلنہ۔ داخیال آتا درشانی ءِ او پنچ شنبےنادے آ آئی ٹی ڈیجیٹلائزیشن نا بابت گول میز کانفرنس آن تران کرساکرے۔ گول میز کانفرنس اٹی سویڈن نا سفیر ہنرک پیرسن و سویڈش ٹیک کمپنی تا نمائندہ غاک بشخ ہلکر۔ شزہ فاطمہ پارےکہ انفارمیشن و کمیونیکیشنز ٹیکنالوجی نا ملکی شونداری ٹی اہم کڑد اسے، وزارت آئی ٹی ڈیجیٹل پاکستان وژن نا پوروی کن کاریم کننگ ءِ، ڈیجیٹل پاکستان پالیسی ڈیجیٹل منتقلی ءِ بروک آ کہول آ دننگ کن کسر آوار کننگ ءِ۔ اوپارےکہ وزارت آئی ٹی نا چکار آئی سی ٹی انڈسٹری ءِ واکدار کننگ آٹی ءِ، سکلز بلڈنگ، ڈیجیٹل ٹرانسفارمیشن پروجیکٹ، ریسرچ، انوویشن، سافٹ ویئرٹیکنالوجی پارک آتا جوڑ کننگ کن گام گیج کننگ انگ ءِ۔
