اسلام آباد۔ 27 جون (اے پی پی) بنجائی وزیر ڈٹ بندی، شونداری، اصلاحات و خصوصی گام گیج احسن اقبال تون ایئر یونیورسٹی نا وائس چانسلر عبدالمعید خان اوڑدہی کرے۔ وزارت ڈٹ بندی آن جاری بیان نا رداٹ اوڑدہی ٹی احسن اقبال پارے کہ نیشنل سینٹر فار ایکسیلنس ان سائبر سیکورٹی ( ہرا 2018 ٹی جوڑ کننگا) سائبر سیکورٹی نا پڑاٹی پیش رفت نا سوب آن جوڑ مس۔ اونا پاننگ ئس کہ دا سینٹر سائبر سیکورٹی نا بشخ اٹی بھاز زیات ویلیو ایڈیشن کرے۔ اوپارے کہ 2018 ٹی دا سینٹر نا ڈٹ 1.29 بلین روپئی ٹی منظور کننگا و پروجیکٹ ءِ 2 سال انا ودکی تننگا، پاکستان انوویشن ایوارڈ نا بھاز انگا بشخ ہلوک آک داایکسیلینس سینٹر نا جوڑ کروک ایکو سسٹم تون تعلق تخارہ۔ اوڑدہی ٹی ایئریونیورسٹی نا وائس چانسلر پارے کہ نیشنل سائبر سیکورٹی اکیڈمی ہم زیر تعمیر ءِ ، سائبر سیکورٹی نا آخبت دا سینٹرآف ایکسیلینس نا کمک اٹ رکھ مس۔ اونا پاننگ ئس کہ دا مرکز سرسہبی اٹ اکیڈمیہ و انڈسٹری نانیام اٹ رابطہ قائم کننگ ءِ۔
