اسلام آباد۔ 26 جون (اے پی پی) وزیراعظم محمد شہباز شریف پارینے کہ ننے توانائی نا گیگ بدل ذریعہ خاص کر شمسی توانائی نا مون آ دننگ آ چکار کننگ نا گرج ءِ ، تھرکول نا ملک انا ایلو علاقہ غاتسکان فراوانی کن ریلوائی لائن نا بابت غٹ المی گام گیج کننگے وخت اس کہ وزیراعظم ءِ پاننگانے کہ الیکٹرک بائیکس، گاڈی و بجلی آ چلینگوک آ اُرائی مصنوعات آتا بابت پالیسی آ کاریم برجا ءِ ہندی کہول آ تیل و گیس انا پیدوار اٹی ودکی کن حکمت عملی اس ترتیب تننگ انگ ءِ۔ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نا کماشی ٹی پیٹرولیم ڈویژن نا امور آ اہم دیوان چارشنبے نادے آ اسلام آباد اٹی اڈ ہلک۔ دیوان اٹی بشخ ہلوک آتیان تران کرسا وزیراعظم پارے کہ ننے گیگ بدل توانائی نا ذریعہ خاص کر شمسی توانائی نا مون آ دننگ آ چکار کننگ نا گرج ءِ۔ اوپارے کہ تھرکول پاکستان نا توانائی نا گرج آتا بابت بھاز اہمیت تخک۔ اوتھرکول نا گیسی فکیشن نا بابت حکمت عملی اس تیار کننگ نا پارت کرے۔ اوپارت کرے کہ تھرکول نا ملک انا ایلو علاقہ غاتسکان فراوانی کن ریلوائی لائن نا بابت غٹ المی گام گیج کننگے۔ دیوان ءِ پیٹرولیم و گیس انا بشخ آتا بابت پیش رفت و سلاہ تیاحوال تننگا۔ دیوان ءِ پاننگا کہ کاربن فٹ پرنٹ کافی کم مننگ آن پد ہم پاکستان چاگڑدی بدلی تا مضر اثرآتیان پنچ ممی غٹ آن زیات زہمی ملک ءِ۔ گیگ بدل توانائی آ تالان مصنوعات آتا مون آ دننگ نا کمک اٹ چاگڑدی بدلی نا مضر اثرآتا مون ءِ توننگ کن گام گیج کننگ انگ ءِ، ٹائیٹ گیس انا پیدوار اٹی ودکی نا بابت لائحہ عمل اس تیار کننگک۔
