اسلام آباد۔ 26 جون (اے پی پی) چیئرمین سینیٹ سید یوسف رضاگیلانی منشیات نا کاریم اٹ اتنگ و غیرکانودی اسمگلنگ نا توننگ کن پاکستان نا عزم انا درشانی ءِ کرینے۔ سینیٹ سیکرٹریٹ آن جاری بیان نا رداٹ منشیات نا کاریم اٹ اتنگ و غیرکانودی اسمگلنگ نا برخلاف جہانی دے انا وخت آ تینا کلہو اٹی چیئرمین سینیٹ سید یوسف رضاگیلانی پارے کہ نن جہانی دراخ جوڑی، رکھ، پائیدار شونداری ءِ نسخان تروک آ منشیات نا کاریم اٹ اتنگ و اسمگلنگ نا ویل آتا برخلاف یکجااُن۔ آگاہی نا مون آ دننگ، منشیات نا کاریم اٹ اتنگ نا توننگ نا کوشست ستاکڑزک۔ منشیات نا کاریم اٹ اتنگ نا بنداوی سوب آتے پہہ مننگ واوفتا توننگ کن گچین حکمت عملی ءِ مون آ دننگ اہم ءِ۔ چیئرمین سینیٹ پارےکہ دادے ننے تینا کمیونٹی و بروک آ چین تے منشیات نا بھسکار نتیجہ غاتیان بچفنگ نا اسیجائی زمواری نا یات ترفک۔ ننے اسہ ہندن ءُ آخبت اسے کن اجتماعی وڑاٹ کاریم کننگ نا گرج ءِ ہراڑے ہر بندغ منشیات آن پاک چاگڑد اٹ رہینگ کے۔
