کوئٹہ۔ 26 جون (اے پی پی) صوبائی وزیر ڈٹ بندی و شونداری ظہور احمد بلیدی بلوچستان نا پوسکن آمالی سال 2024-25نابجٹ ءِ تاریخی گوندسا پارینے کہ وزیراعلیٰ میر سرفراز بگٹی نا کماشی ٹی اولیکو وار صوبائی بجٹ 25 ارب روپئی نا سرپلس اٹی ءِ ہرانا کل میزانیہ 930 ارب روپئی ءِ۔ اسہ بیان اسے ٹی اوپارے کہ شونداری اسکیم تا کساس خڑچ 219.5 بلین روپئی ءِ ہراٹی ٹوٹل 6،680 اسکیم اوار ءُ، داٹی 139 ارب روپئی 3،960 برجااسکیم تیکن جتا و 80 بلین روپئی نا 2،704 پوسکن آ اسکیمک اوار ءُ۔ ظہور احمد بلیدی پارے کہ پوسکن آ مالی سال انا بجٹ اٹی ایجوکیشن سیکٹر نا بجٹ اٹی 71 درسد و جان جوڑی نا بجٹ اٹی 45 درسد ودکی کننگانے۔ اونا پاننگ ئس کہ کشت وکشار نا بشخ اٹی گرین بلوچستان پروجیکٹ کن 10 ارب روپئی جتا و پبلک ٹرانسپورٹ کن کوئٹہ و تربت اٹی پیپلز بس سروس نا بناءِ کننگ نا منظوری ءِ تننگانے ہراٹی کوئٹہ سٹی ٹی گرین بس سروس نا بس آتیٹی ودکی و تربت سٹی ٹی پیپلز میٹروبس سروس نا بناءِ کننگک۔
