اسلام آباد۔ 26 جون (اے پی پی) جمعیت علماء اسلام (ف) نا امیر مولانا فضل الرحمان پارینے کہ مخلوق ہموحالیت اٹی خراج تننگ آ آمادہ مریرہ ہراتم اوفتے داہیت انا یقین مریک کہ اوفتا خراج اوفتا راجی آسودہی آ خڑچ مریک۔ چارشنبے نادے آ قومی اسمبلی ٹی اعتراضی ٹک ہیت کرسا مولانا فضل الرحمان پارے کہ ای 1988 آن دا ایوان اٹ بجٹ ءِ منظور مرسا خننگ اٹی اُٹ، ہر حکومت بجٹ ءِ الس دوست پاہک و پاہک کہ دا بجٹ ملک ءِ شونداری نا کنڈآ دیک داہیت انا جاچ ءِ ہلنگ نا گر ج ءِ کہ دا غٹ دعویٰ تیان پد ہم ملک 75 سال آن پد زرگزرانی وڑاٹ ہراڑے سلوک ءِ۔ اوپارے کہ دابجٹ اٹ غٹ آن زیات چکار خراج آ خلنگ آ کننگانے۔ لس مخلوق اٹ ہرا ہیت آ شرہ مریک اوٹی زیات تر نا تعلق خراج آتا بابت ءِ، ہر بشخ، کاروبار و تنخواہ دارتپہ غا خراج خلنگانے۔
