اسلام آباد۔ 26 جون (اے پی پی) پنی آ گلوکار شہزادرائے پارینے کہ پاکستان ءِ گلوبل وارمنگ و چاگڑدی بدلی نا بھلا اثرآک مون تروک ءُ۔ زالبول آتا جان جوڑی نا بابت قومی کانفرنس نا ارٹ میکو دے انا بنائی سیشن آن تران اٹی شہزاد رائے پارے کہ زالبول آتا شونداری و چاگڑدی بدلی نا منفی اثرآتا مون ءِ توننگ کن خصوصی گام گیج نا گرج ءِ ۔ اوپارے کہ آبادی ٹی ترندی اٹ ودکی و اونا ملکی زرگزران و شونداری آ تموک آ ممکنہ اثرچناتا تعلیم و چاگڑدی بدلی کون آ سرحال آتے تعلیمی نصاب اٹی اوار کننگ نا گرج ءِ۔ شہزاد رائے پارے کہ ہندن ءُ تعلیم ہرا بندغ آتے پیچیدہ ویل آتے ایسر کننگ نا اہلیت تخوک آ باصلاحیت راہشون کننگ کے، کن اسکول و تعلیم نا ہند آتے چناتیکن سازگار کننگ نا گرج ءِ۔ اوپارے کہ چناتے تعلیمی ادارہ غاتیٹی چندی ویل آتا مون تروئی تمک ہرافتے ایسر کننگ کن اسیجائی کوشست آتا گرج ءِ۔
