کوئٹہ۔ 26 جون (اے پی پی)بلوچستان ایڈز کنٹرول پروگرام نا منیجر ڈاکٹر میر خالد الرحمان قمبرانی پارینے کہ داوخت آ بلوچستان اٹی ایڈز انا رجسٹرڈ مریض آتا کچ 2545 ءِ وخت اس کہ 1550 مریض درمان مننگ اٹی ءُ الس اٹ ایڈز کون آ موذی مرض انا توننگ نا بابت شعور و آگاہی کن غٹ اسٹیک ہولڈر آتے اواری اٹ کاریم کننگ نا گرج ءِ۔ داہیت ءِ او بلوچستان ایڈز کنٹرول پروگرام نا دفتر اٹی اسٹیک ہولڈرز آتون اسہ دیوان اسے آن تران کرسا کرے۔ دیوان اٹی پروگرام منیجر بلوچستان ایڈز کنٹرول پروگرام ڈاکٹر داؤد اچکزئی ، یواین ڈی پی ، شوشوپاک ، ہارڈ بلوچستان نا صوبائی لیڈ، راہنما فاؤنڈیشن نا نمائندہ غاک بشخ ہلکر۔ دیوان اٹی ایچ آئی وی ایڈز انا بابت پیش رفت و چیلنج آتیا گپ وتران کننگا۔ دیوان اٹی ایچ آئی وی ایڈز انا بابت چندی بشخ آتیا کاریم کروک آ غٹ اسٹیک ہولڈر آتا جم پیش رفت ءِ است جم گوندسا پروگرام منیجر ءِ تینا تینا ڈومین اٹی پین خواری کننگ نا تاکید کننگا۔ دیوان اٹی اسیجائی وڑاٹ داہیت آ امنا کننگا کہ عام آبادی ٹی آگاہی ءِ ودفنگ کن غٹ دوئی وسیلہ غاتے متحرک کننگک۔ ڈاکٹر خالد قمبرانی پارےکہ بلوچستان اٹی داوخت آ ایڈز انا رجسٹرڈ مریض آتا کچ 2545ءِ وخت اس کہ 1550 مریض درمان مننگ اٹی ءُ۔
