اسلام آباد۔ 25 جون (اے پی پی) سپریم کورٹ نا 3 پوسکن ءُ جج تینا عہدہ نا سوغند ہرفیر، پوسکن آ جج آتا سادہ ولے پروقار سوغندی دود سے شنبے نادے آ عدالت عظمیٰ ٹی اڈتننگا۔ سپریم کورٹ آف پاکستان نا شعبہ تعلقات عامہ نا اعلامیہ نا رداٹ چیف جسٹس پاکستان جسٹس قاضی فائز عیسیٰ جسٹس ملک شہزاد احمد، جسٹس عقیل عباسی و جسٹس شاہد بلال حسن آن عہدہ نا سوغند ہلک۔ سوغندی دود اٹی سپریم کورٹ نا جج، اٹارنی جنرل ، لاء آفیسر و وکیل آک ہم ساڑی ئسر۔
