چیئرمین سینیٹ سید یوسف رضاگیلانی تون آسٹریلوی ہائی کمشنر نیل ہاکنز نا اوڑدہی

اسلام آباد۔ 25 جون (اے پی پی) چیئرمین سینیٹ سید یوسف رضاگیلانی تون آسٹریلین ہائی کمشنر نیل ہاکنز پارلیمنٹ ہاؤس اٹی اوڑدہی کرے ہراٹی تین پہ تینی است خواہی نا امور و ہڑتوم آ کنڈآتا کمکاری نا مون آ دننگ نا بارواٹی سرجمی اٹ گپ وتران کننگا۔ آسٹریلین ہائی کمشنر سید یوسف رضاگیلانی ءِ چیئرمین سینیٹ نا عہدہ ءِ سنبھالنگ آ مبارکبادی تس و نیک است خواہی نا درشانی ءِ کرے۔ چیئرمین سینیٹ پارے کہ پاکستان آسٹریلیا تون تعلقداری تے قدر انا نظر اٹ ہرک ، پاکستان و آسٹریلیا نا نیام اٹ گچین تعلقداری ءِ، پارلیمانی ڈل آتا ہن وبرءِ مون آدننگ نا گرج ءِ۔ اوپارے کہ ہڑتوم آ ملک آتا نیام اٹ واپاری و زرکاری کمکاری ٹی ودکی و خاص وڑاٹ تعلیم نا بشخ اٹی کمکاری نا مون آ دننگ نا بھلو گنجائشت اس ساڑی ءِ۔ اونا پاننگ ئس کہ پاکستان دہشت گردی نا برخلاف جنگ اٹی بے شمار جانی و مالی قربانی تسنے، پاکستان مچ آ دنیا ٹی دہشت گردی نا ناسور ءِ چٹفنگ کن اہم فورم تا بشخ ئس، لکھ آ اوغان پناہ گزین تے پاکستان اٹ پناہ تس و اوفتا تعلیم و گچین زند انا آب ءِ کننگ کن گام گیج کننگا۔ آسٹریلین ہائی کمشنر نیل ہاکنز پارے کہ پاکستان دہشت گردی نا برخلاف و اوغان پناہ گزین آتیکن بھاز کاریم  کرینے۔