اسلام آباد۔ 25 جون (اے پی پی) ڈپٹی وزیراعظم و وزیرخارجہ سینیٹر محمد اسحاق ڈار پارینے کہ سینیٹ نا سلاہ وسوج آئینی زمہ واری ءُ، عمل نا قابل سلاہ وسوج آتے مدام بجٹ اٹ اوار کننگک۔ سے شنبے نادے آ قومی اسمبلی نا دیوان اٹی بروک آ مالی سال انا بجٹ نا بابت سینیٹ نا سلاہ سوج آتیا شرہ ٹی بشخ ہلسا ڈپٹی وزیراعظم پارے کہ سینیٹ نا سلاہ و …
بجٹ نا بابت سینیٹ نا سلاہ و سوج آتیا سجفنگک، اسحاق ڈار
گیشتریں ھال
اسلام آباد۔ 25 جون (اے پی پی) ڈپٹی وزیراعظم و وزیرخارجہ سینیٹر محمد اسحاق ڈار پارینے کہ سینیٹ نا سلاہ وسوج آئینی زمہ واری ءُ، عمل نا قابل سلاہ وسوج آتے مدام بجٹ اٹ اوار کننگک۔ سے شنبے نادے آ قومی اسمبلی نا دیوان اٹی بروک آ مالی سال انا بجٹ نا بابت سینیٹ نا سلاہ سوج آتیا شرہ ٹی بشخ ہلسا ڈپٹی وزیراعظم پارے کہ سینیٹ نا سلاہ و سوج آئینی زمواری ءِ، حکومت نا زمواری ءِ کہ بجٹ سینیٹ اٹی پیش مرے۔ سید نوید قمر سچ پاننگ ءِ کہ نیشنل اسمبلی بجٹ منظور کیک و دا اختیار اسمبلی تون ءِ ولے آئینی وڑاٹ لازم ءِ کہ سینیٹ سلاہ سوج مرتب کرسا 14 دے اٹی پیش کیک۔ اوپارے کہ سینیٹ نا قائمہ کمیٹی دا سلاہ وسوج آتے تیار کیک ہراٹی غٹ جماعت آتا نمائندگی مریک و وزیرخزانہ و وزارت خزانہ نا بڑزکو کمامدارآک ہم داوخت آ ساڑی مریرہ، سینیٹ کمیٹی نا کماشی ءِ مانڈوی والا کننگ ءِ ہرانا تعلق پیپلزپارٹی آن ءِ۔
